Read Rongmei Naga KALUMLU 2 Bible Online

KALUMLU 2 - Rongmei Naga bible

KALUMLU 2

¹“Tabui khang zaatc nunc rui raengc bam tu cho; tabui sw khang laa tu lakmei raeng raengc bam tu cho,

²RINGHPOUC khatni kamei rui thauh teyloumei guangc ruc khou, dihsinpouc nunc rui karianhna sa the,

³aniu kaniw bangc khou bam taan di kho, Kaniw rui aniu ta bangclou bammei khou rui duak kan di kho.”

⁴Tingkauh guangc bamvpaeng khou dungc bammeipu rui nuic e, RINGHPOUC rui kaniw ta malana nuic e.

⁵Khoutei kalungpuamcna kaniw ta luh the, kareic thauna kaniw ta tiping kadunhlou the.

⁶“Atuang nthanmei Zaion Chyng khou ai rui guangh suamclou kan the,” twna sa e.

⁷Guangh tei rui sa e, “RINGHPOUC rui sapat kanmei lat tei ai kauc ndauh puni. ‘Nang hei anac mpouh the; aseic rui ai nang pu sw the.

⁸Ney o, ai rui zaatc guayna ta nang khang tii puni; kandih kapwm hei nang tuang sw puni.

⁹Nang rui kaniw ta tanlubungc rui dap puatlou puni, bihlai ta kumc siauc puatlou puni,’ ” twna kamei rui akhou sa the.

¹⁰Mi zaeng rui guangh nunc, ningtyng thay lo; dihsinpouc nunc, ramhthay lo:

¹¹RINGHPOUC ta pingna kasiamruai sw o;

¹²ping kadunhna kata kalum o. Kum mak ge thei kalungpuam nang khou keylou puni, mang chaeng kumcna theic puni. Kakhou duploumei guay sangaymei e.