Read Rongmei Naga KALUMLU 21 Bible Online

KALUMLU 21 - Rongmei Naga bible

KALUMLU 21

¹Guangh zaenggay e, he RINGHPOUC, kalam thu nang rui kakhou pumtan tiilou the; guangh neihla e, kalam thu nang rui kakhou rihngammei tiilou the.

²Kalung rui kahawmei tei nang rui tiilou the; kamei rui neymei tei nang rui dawlou the.

³Nang rui kakhang ravchaptatmei suaihiam tiilou the, kapy khou kachaekc pyrun runlou the.

⁴Kamei ringcsaengh khang ney khwan e, kumna panty lungsingmei tiilou the.

⁵Kahym daic the nang paan rui; zanh tatmei lev gunhdaihmei kakhang tiilou the.

⁶Nang tuang suaihiam kakhou tingsaeng nai e, nang bam nduanghloumei ramneila kakhou padik ge.

⁷Guangh rui Ngamparymei RINGHPOUC khou lwmlou e; RINGHPOUC rui taek makna nzian bammei paan rui kamei kachac dat lak khe.

⁸Guangh rui kata zauczihmei guay ta nym puni; kata karaengmei guay ta kamei rui nym puni.

⁹Kamei pat pwkhou, maibwang kumc kamei rui kaniw ta swmutlou puni. RINGHPOUC rui kalungpuam khou kaniw ta rawmutlou puni khatni mai kumc ntei mutlou puni.

¹⁰Kaniw kikta gaanv khat na sini ringc pat lak ge; guangh rui kaniw ta swluai mutsutlou puni.

¹¹Kaniw kata sw kasic khang mbincna raengc the; tiki kaniw hei tei guang tangc lak ge.

¹²Katuang pailu rui kaniw ta kaap puni, kumna kaniw pak puni.

¹³He RINGHPOUC, nang tuang daihmei pumtan khang, aniw nang ta thuanc e! Aniw nang pumtan thuancna suan ni, nang pumtan ta thuanc ni.