Read Rongmei Naga KALUMLU 24 Bible Online

KALUMLU 24 - Rongmei Naga bible

KALUMLU 24

¹Mbaanv khatni nai bammei katana RINGHPOUC tuang e; kandih khatni mi khou lungc bammei katana katuang e.

²Kamei rui kandih ti hei duipui ruc khou duanc thaulou the, khatni duidai ruc khou kasiamh thaulou the.

³Thow rui RINGHPOUC tuang ravkai but khou ku nina cho? Thow rui katuang nthanmei Ravkai khou gut nina cho?

⁴Kabaanc nthanmei nunc, kalungning nthanmei nunc, ravmaengc kalum makmei nunc, khatni meic guatna latdyng sw makmei nunc tei e.

⁵RINGHPOUC rui kaniw ta suaihiamlou puni, khatni kanlou puni. Ravguangc rui kaniw ta khuay maekmei nunc twna kauc patlou puni.

⁶Kaniw hei Ravguangc khou guangmei nunc e, Jakob Racguangc mav khou guangmei nunc e.

⁷Raenghmun guay laanc daic pat ro, reynungc kaikhamv guay laanc pat ro, hymdaihmei guangc gut kan diu.

⁸Hymdaihmei guangc kiu thow cho? Kamei hei RINGHPOUC e, tancbauhmeipu e; RINGHPOUC e, baengtanc rihlianghmeipu e.

⁹Raenghmun guay laanc daic pat ro, reynungc kaikhamv guay laanc pat ro, hymdaihmei guangc gut kan diu.

¹⁰Hymdaihmei guangc kiu thow cho? Kamei rihngammei kaipouc e, hymdaihmei guangc kiu e.