Read Rongmei Naga KALUMLU 25 Bible Online

KALUMLU 25 - Rongmei Naga bible

KALUMLU 25

¹He RINGHPOUC, nang khou ai huayney e.

²ARacguangc, nang khou ai lwm e. Ata zaw tisilou rio; ata zauczihmei nunc ta aruc khou tineihlalou rio.

³Nang khou lwmmei gaanv khat na ta sini zaw tisilou rio; kalam maekna latliam bammei nunc ta zaw tisilou o.

⁴He RINGHPOUC, akhou nang chaeng dinclou o; nangchaeng akhou dinclou o.

⁵Nang tuang nchumhmei chaeng akhou dinclou o, mi khou tei ata zaylou o, nang hei aRacguangc, ata kanloumeipu e. Ai nang ta lwm tanh tan bam e.

⁶He RINGHPOUC, nang rui aniw ta reynungc rui zauc nzianlou guangmei khatni aniw ta taek makna nzian guangmei tei amuclou rio.

⁷Ai chabwan sw bammei douc khuay guay kuaklou o. Nang rui ata taek makna nzian bammei paan rui, khatni nang ramgai paan rui, ata ningtowlou o, he RINGHPOUC.

⁸RINGHPOUC hei nchumhmei e khatni gay e, mi zaeng rui paapcmei nunc ta kaniw tat nimei chaeng khou zaylou e.

⁹Kamei rui lunghniamhmei nunc ta nchumhmei chaeng khou zaylou e, khatni kaniw khou nchumhmei dinclou e.

¹⁰Katuang latdyng ngaekmei khatni kalatdanv guay piumei guay ta nzianna khatni suai makna kamei rui zaylou e.

¹¹He RINGHPOUC, nang latdyng thei layna apaap guay kuaklou o, apaap geic the.

¹²RINGHPOUC lat piumei nunc ta kaniw tat nimei chaeng kamei rui dinclou puni.

¹³Kaniw amanv tanh tanna lungc bam puni, kaniw mi kandic hei laa puni.

¹⁴RINGHPOUC hei kalat piumei guay pam e, kamei rui kalatdyng kaniw khou sw ntiplou dat re.

¹⁵Nkhavlou khang ai RINGHPOUC ta kaganv thuic zauc e, kamei rui ata theic suc nuhmei bamv khou rui guduaklou e.

¹⁶He RINGHPOUC, akhou karih guanglou o, ata zauc nzianlou o, ai apam arai maek khe khatni ai ryanra the.

¹⁷Ata lungh ryanramei khou rui tiduaklou o, atuang ryanra ryanriumei kaguay khou rui kanlou o.

¹⁸Aryanra guay kakhanhlou o, apaap guay kuaklou o.

¹⁹Zauclou o, ata zauczihmei heizumei ti hei! Zauclou o, kaniw ata adih karaeng cho?

²⁰Ata gaeklou o, kanlou o; ata zaw tisilou rio, ai nang khou duplou e.

²¹Atuang gaymei khatni lungning nthanmei rui ata gaeklou e, ata gaeklou e; kalam thu ai nang khou lwm e.

²²He Ravguangc, nang mei Isaraelmei ta kaniw tuang ryanramei kaguay khou rui kanpatlou o.