Read Rongmei Naga KALUMLU 26 Bible Online

KALUMLU 26 - Rongmei Naga bible

KALUMLU 26

¹He RINGHPOUC, ai hei nchumhmei e twmei kauc patlou o, ai nchumhna lungc bam e khatni ai nang khou lwm tiph tip bam e.

²Ata kathatna khatni nchanvna zauclou o, he RINGHPOUC; achwn khatni alungning guay hei latzan swlou o.

³Nang rui taek makna nzian bammei tei ai how tanh tan bam e, khatni nang tuang nchumhmei lat khou ai tat bam e.

⁴Gaeng makpui mei nunc ta ai aduang sw mak ge, gaylwn swmei nunc lev ai khat sini kariu mak ge.

⁵Meicgay makmei phwam ta ai karaeng e khatni meicsimei nunc ta aduang sw mak ge.

⁶He RINGHPOUC, ai akhuay maekna abaanc khiu e, khatni nang tuang ravchapaeng tat haengv e.

⁷Kumna thuanckupui lu suanna, khatni nang tuang charynmei taanv guay rac ndauh khang e.

⁸He RINGHPOUC, nang lungc bammei kai ta ai nzian e, nang hymdaihmei lungcloupui bamv ta tei nzian e.

⁹Ata paapcmei pang khou swluai kazauhlou rio; meicdowmei nunc dandi khou tei rui ata zay kareilou o.

¹⁰Kaganv kathuic simei taanc bammei nunc khatni lanvbiwmei laa khang kaganv kathuic chamdaanv bammei nunc tuang dandi khou tei tikazauhlou rio.

¹¹Tiki ai thu nchumhna lungc e; ata zauc nzianlou o khatni ata kanlou o!

¹²Ai hei theic suc nuhmei bamv guay khou rui duak the; kamei nunc kariumei charuangc dai khou ai RINGHPOUC ta thuanc e.