Read Rongmei Naga KALUMLU 27 Bible Online

KALUMLU 27 - Rongmei Naga bible

KALUMLU 27

¹RINGHPOUC hei akhang gaanhmei e, khatni ata kanloumeipu e; ai meic gaanv khat na ta sini ping lak ge. RINGHPOUC rui ata si suai nuhmei bamv guay khou rui kanlou e; ai ping zat lak ge.

²Meicgay makmei nunc rui ata adow pwkhou khatni swluai khang rik pwkhou, kaniw phaysuyna bow e.

³Rihmei kapwm rui ata ding haengv bam sini ping lak ge; zauczihmei nunc rui ata adow sini, Ravguangc khou lwm bam ni.

⁴Ai RINGHPOUC khou ramhkhat ney e; ramhkhat na ai kahaw e: ai ringh saanv RINGHPOUC kai khou bam khang, mi khou tei karamgai ta makumh bam khang, khatni kamei rui zaylou khang ney bam khang e.

⁵Ryanramei ganv guay khou kamei rui ata tiduplou puni; kamei rui ata kakai khou giuga makna tibamlou puni; taudaic kauhmei ruc khou ata giuga makna tibamlou puni.

⁶Kumna adaeng bam haengv bammei ata zauczihmei nunc ta ai ngam ni. neihlamei khwan kaucna ai kaRavkai khou thuanckumei puatkat kat ni. Ai suan ni, ai RINGHPOUC ta thuanc ni.

⁷He RINGHPOUC, ai nang ta kaw pwkhou akhwan chulou o, ata zauc nzianlou o khatni akhou dawlou o!

⁸“Guangna ata kalum o” twna nang rui sa pwkhou, “Ai guang ni, RINGHPOUC.” twna ai daw khwan e.

⁹Nang akhou rui nkamhlou rio, nang bangc ata alay ganclou rio! Nang rui ata nkhavlou the; ata mpatlou rio. He Ravguangc, ata kanloumeipu, ata ganclou rio.

¹⁰Apui apu rui ata ganclou nuh e, tiki RINGHPOUC rui ata kadanlou puni.

¹¹He RINGHPOUC, nang rui ata titaanc niimei tei akhou dinclou o, giuga makmei chaeng khou ata zaylou o, ata zauczihmei geic e.

¹²Ata zauczihmei nunc baanc khou ganclou rio, saraamcna khatni kadungna adow bammei nunc baanc khou ganclou rio.

¹³Mi panty khou hei RINGHPOUC ramgai how khang ai ringc bam puni de twmei thay e.

¹⁴RINGHPOUC khou lwmlou o. Lwm o, lungh tangkhyn riu. RINGHPOUC khou lwm o.