Read Rongmei Naga KALUMLU 29 Bible Online

KALUMLU 29 - Rongmei Naga bible

KALUMLU 29

¹He tingkauhmei nunc, RINGHPOUC ta thuanc o; kahym khatni kangamv ta thuanc o.

²RINGHPOUC tuang hymdaihmei zanc ta thuanc o; nthanmei rui karuhna RINGHPOUC ta kalum o.

³RINGHPOUC khwan duipui khou rui chu e; hymdaihmei Racguangc rui tingthinc ganhkey e, kakhwan duipui paengc kagaengv tangc e.

⁴RINGHPOUC khwan hei tanc e, katik kagunc rui padik ge.

⁵RINGHPOUC khwan rui sidar bang guay kachyn bak ge, Lebanon tuang sidar bang guay kachyn paruatlou e.

⁶Kamei rui Lebanon chyng ta guaihlauna kabaih kumc tikabaihlou e, khatni Harmon Chyng ta guaichiclauna kabaih kumc tikabaihlou e.

⁷RINGHPOUC khwan rui tingpalik ge.

⁸Kakhwan rui tazikramv tikadunh e; kamei rui Kades tazikramv tikanuk ge.

⁹RINGHPOUC khwan rui mphauh bang guay kanut re, khatni ngouh bang guay kathangv ky kuaklou e. Katuang Ravkai khou meic guay rui, “Ravguangc hym daic diu” twna kauc bam e.

¹⁰RINGHPOUC rui nthukmei duipui ta sin e; kamei tingsaeng guangh swna sin e.

¹¹RINGHPOUC rui kamei nunc khou pumtan tiilou e; khatni kaniw khou chuzaenghmei suaihiam tiilou e.