Read Rongmei Naga KALUMLU 32 Bible Online

KALUMLU 32 - Rongmei Naga bible

KALUMLU 32

¹Kapaap kuakloupui mei tei, kakhuay kuakloupui mei tei zaenggaymei e.

²Kapaap nkamh makpui mei, khatni RINGHPOUC rui kakhuay chaklou makpui mei tei zaenggaymei e.

³Ai apaap kalauh makna bampui kaanc khou, ai kap zingc zingc bammei rui suan key khwan e.

⁴He RINGHPOUC, zingbangc kalaanv nang rui ata dandi tii khwan the, lailwm neic thiu rui kandih phauc kangh kumc, apumtan guay tat ngam kan the.

⁵Khoutei apaap kalauh khang alung dinglou the, apaap guay nang khou kalauh pat the. Ai rui taanc maanvloumei guay nkamhlou mak khe, kumna nang rui apaap kaguayna kuaklou the.

⁶Kumna nang lat piu chuymei guay rui, kage naimei ganv khou nang khou huayney kan diu; ryanramei duidai luangc guang pwkhou, hei tei kaniw khou guang tangc lak ge.

⁷Nang hei ai duppui bamv e; nang rui ata ryanramei khou rui kanlou puni. Nang rui ata kanloumei lu ai suan ranvna suan e, kalam thu nang rui ata gaeklou the.

⁸RINGHPOUC rui sa e, “Nang tat nimei chaeng ai rui dinclou puni; ai rui nang ta nchamlou puni khatni dinclou puni.

⁹Lat piu khang kamwang khou riang lou mak nuh makmei takuanh kumc, kuanniam kumc mpang riu.”

¹⁰Meicsimei nunc thu ryanra puni de, tiki RINGHPOUC khou lwmloumei nunc ta thu katuang kachac makmei ramzian rui gaeklou puni.

¹¹Ravchaptatmei nangniw, RINGHPOUC rui taancloumei khang tei, zaenggay o, neihla o. Kalat piumei nangniw, neihlana kauc o!