Read Rongmei Naga KALUMLU 46 Bible Online

KALUMLU 46 - Rongmei Naga bible

KALUMLU 46

¹Ravguangc hei aniu duppui bamv e, aniu pumtan e; ryanra tyn dwangmei ganv khou kaluak kalat nkhavloumeipu e.

²Mi zaeng rui aniu ping lak ge, kandih hei kanukc pwsini, chyngbut guay hei duipui lungc thangc phungc gut pwsini;

³duipui rui sabwam patna kamuatc guang pwsini, chyngbut guay dui muat rui kanukc pangv ni kumc guang pwsini aniu ping lak ge.

⁴Ravguangc tuang kaidai khou, Kauh Liangsyngmeipu tuang nthanmei kaidai khou, neihlamei phungc guangmei duithuak akhat nai e.

⁵Ravguangc mi kaidai khou hei bam e, mi kaidai ti hei sw kasic dat lak khe; mi kaidai ti hei nkhavlou khang kamei lauthwan thwanzingh guang puni.

⁶Zaatc nunc ta tipinglou e, guangh nunc ta swmutlou e. Ganh key kumc Ravguangc rui kauc pat the, kumna kandih nungc the.

⁷Ngamparymei RINGHPOUC hei aniu ta gaekloumeipu e; Jakob Racguangc hei aniu duppui bamv e.

⁸Guang o, RINGHPOUC taanv guay ti hei zauc lo, akumhna kamei rui kandih khou charynmei taanv taanclou kan tu cho!

⁹Kamei rui kandih kapwm khou rih ti-nthaekclou the; kamei rui sauhpai guay riam bau the, buy-baeng guay swmaan the, nggih guay mai ntei ngam the.

¹⁰Kamei rui sa e, “Rihdow nthaekc tho, ai hei kandih kapwm Racguangc e twmei thay o.”

¹¹Ngamparymei RINGHPOUC aniu pang khou bam e; Jakob Racguangc hei aniu duppui bamv e.