Read Rongmei Naga KALUMLU 47 Bible Online

KALUMLU 47 - Rongmei Naga bible

KALUMLU 47

¹He zaatc kapwmna, neihlana baanh hiw o! Lu suan ranvna Ravguangc ta thuanc o!

²Kauh Liangsingmeipu, RINGHPOUC ta ping nina e; kamei hei kandih kapwm ta sinmei guangh daihmei e.

³Kamei rui zaatc nunc ta aniu bangc khou nym keylou the, kaniw ta aniu bangc khou lou the.

⁴Aniu lungc bammei kandic hei, kamei rui nzianmei, kamei nunc gaengh swna bammei dic hei, kamei rui aniu khang tiilou the.

⁵Ravguangc kaguangc bamvpaeng khou ku the; neihlana kaucna bianggun muan bam khou, RINGHPOUC tat ku kan the.

⁶Ravguangc ta thuancna suan o; aniu guangc ta thuancna suan o!

⁷Ravguangc hei kandih kapwmna guangc e; lu rui kata thuanc o!

⁸Ravguangc katuang nthanmei guangc bamvpaeng khou dungc bam e; kamei zaatc guay ruc khou guanghtu bam e.

⁹Zaatc nunc tuang dihsinpouc nunc, Abraham Racguangc mei nunc swna guang kaduai e. kandih tuang guangc guay hei Ravguangc tuang e; kahym tidaiclou the.