Read Rongmei Naga KALUMLU 48 Bible Online

KALUMLU 48 - Rongmei Naga bible

KALUMLU 48

¹RINGHPOUC hei daic e; aniu Racguangc kaidai khou, katuang nthanmei chyng khou, kata thuanc kauhna thuanc bam nina e.

²Ravguangc tuang chyngbut Zaion hei, kauh e khatni howgay e; guangh daihmei kaidai hei rui kandih kapwm khou neihlamei phungc guang e.

³Mi kaidai raengc lungc khou giuga makna kamei bam nduanghlou bam e twmei Ravguangc rui lyanlou e.

⁴Guangh nunc kariuna Zaion Chyngbut ta adow khang guang khwan e.

⁵Tiki kaniw mi ti hei how pwkhou hahlahla the; kaniw ping kadunhna pak kan the.

⁶Kaniw tei nah bam nimeipui kumc, kaniw tei kadunh chah cha the.

⁷Tarsismei rungc nunc ta, neihpat pwan rui swbak kumc lungh ryanramei padik the.

⁸Ravguangc taanv tei aniu chu bam khwan e, tiki ntaw thu Ngamparymei RINGHPOUC, aniu Racguangc kaidai khou mi hei aniu how the. Kamei rui mi kaidai ti hei tingsaeng gaeklou puni.

⁹He Ravguangc, nang kai lungc khou, nang ramzian ta aniw makumh e.

¹⁰Kandih kapwm rui nang ta thuanc e, nang zanc gaymei kandih kapwm khou zin lik ge. Nang nchumhna dihsin e.

¹¹Zaionmei nunc neihla diu! Nang rui nchumhna latzan swlou the; Juda tuang kaidai guay khou neihla diu!

¹²Ravguangc tuang mei nuncle, Zaion kaidai tat nkuayna kai kauhmei guay ta pac o.

¹³Raenghmun tei zauc o, rihgaekkai tei zauc o, kum pwkhou aniu Racguangc e twmei; guang nimei kin kin khou dinc ndauh bam khang e,

¹⁴mi hei “Tingsaengzaeng aniu Racguangc kiu the, Kamei rui aniu ta tingsaengzaeng khang chaeng dinclou nimeipu kiu the.”