Read Rongmei Naga KALUMLU 5 Bible Online

KALUMLU 5 - Rongmei Naga bible

KALUMLU 5

¹He RINGHPOUC, alat nkinglou o, ai kalangh bammei hei chulou o.

²He aGuangc, aRacguangc, ai kap bammei hei nkinglou o, ai huayney bammei hei chulou o.

³He RINGHPOUC, nang lauthwan akhwan chulou e, neih pat rey thuai khou huayney e, nang rui dawloumei nkhwan e.

⁴Nang thu simei taanv ta kahawmei Racguangc hamh e; nang daeng khou simei nai nuh mak ge.

⁵Daihriw swmei ta nang zauc nii mak ge; meicgay makmei guay ta nang karaeng e.

⁶Saraamhmei nunc ta nang rui swmutlou e, khatni zeimiw zeihaeng tikeypui mei, meicguatpui mei ta karaeng e.

⁷Tiki nang zauzian daihmei paan rui ai nang kai khou gutmei tuang e, nkhum keyna nang ta kalum ngammei tuang e.

⁸He RINGHPOUC, ata zauczihmei geic the! Nang chwn thei layna tat khang zaylou o; nangchaeng nthanna dinclou o.

⁹Kaniw latling sa mak ge; sw kasic khang na ning e. Kaniw baley rui thu sa chuy e; tiki kaniw mwang thu tarou kai de.

¹⁰He Ravguangc, kaniw ta dandi tiilou o, kaniw rana kaniw phac manc kan diu. Kaniw paap geic the, kaniw nang lat piu mak khe; kaniw ta nang khou rui alay ganclou o.

¹¹Nang khou duploumei guay neihla bam kan diu; kaniw lu suanna neihla bam kan diu. Nang paan rui kaniw neihla bam khang, nang ta nzianmei guay ta gaeklou o.

¹²He RINGHPOUC, ravchaptatmei ta nang rui suaihiamlou e; nang zauzian rui kaniw ta nggih kumc gaeklou e.