Read Rongmei Naga KALUMLU 51 Bible Online

KALUMLU 51 - Rongmei Naga bible

KALUMLU 51

¹ He Ravguangc, nang rui aniw ta nzian taek makna nzian bammei paan rui ata zauc nzianlou o! Nang zauzian daihmei paan rui apaap guay thut ganclou o!

²Ai rui nkhuailoumei guay khiu nthanlou o; ata apaap khou rui sw nthanlou o.

³Akhuay guay ai thay e; kaganv thuic apaap ta thay bam e.

⁴Ai nang khou paapc taanc the; nang khou taanclou the. Nang mikzaw khou simei ai taanc the. Kumna aruc khou keyloumei nang latzan hei nchumh the; ai hei nkhuaimei e twmei hei nzih the.

⁵Kachangcna ai hei paapcmei swna puanclou the, apui nacbamv khou rui paapcmei di the.

⁶Lungning nthanmei lev nchumhmei ta nang laa nii e; akhou nang tuang ningting tipadiklou o.

⁷Apaap laa ganclou o, kum pwkhou ai nthan puni; ata khiu lou o, kum pwkhou ai gunh suangc mphwan puni.

⁸Neihlamei lev zaenggaymei lu akhou tichulou o; kum pwkhou nang rui alung tiryanralou khwan sini, ai neihla dat puni.

⁹Apaap chaklou rio, akhuay guay thut maanlou o.

¹⁰He Ravguangc, akhou nthanmei lung tiilou o, nthanmei lev ntipmei lung ni tiilou o.

¹¹Ata nang mav khou rui alay ganclou rio; nang tuang nthanmei bumaengc akhou rui duc tatlou rio.

¹²Nang tuang ringcbam khou rui guangmei ramneila akhou tiilou dat ro, nang lat piu niimei lung akhou tiilou o.

¹³Khou kiu paapcmei nunc khou ai nang latdanv guay dinclou ni, kumna nang khou kaniw lungh laic guang dat puni.

¹⁴Apanty kanlou o, he Ravguangc; ata kanlou o. Kum pwkhou nang rui kanlou the twna neihlana kauc ndauh ni.

¹⁵Amwang laanclou o, he RINGHPOUC; kum pwkhou nang ta ai thuanc ni.

¹⁶Ravkhaengmei ta nang kahaw mak ge, kum e thei ai khaeng kan ni tuang e; rawna khaengmei ta nang pian mak ge.

¹⁷He Ravguangc, ai rui khaenglou nimei kiu niamhmei lung hei na de, bak keymei lev lungh laihmei lung ta nang kahaw e.

¹⁸He Ravguangc, Zaion ta nzianlou o, khatni nkhavlou o. Jerusalem raengc kasiamh thaulou dat ro.

¹⁹Khou kiu nchumhna khaengmei, rawna khaengmei guay tei nang pianlou puni; nang tuang ravchapaeng khou guaichic nunc khaeng puni.