Read Rongmei Naga KALUMLU 52 Bible Online

KALUMLU 52 - Rongmei Naga bible

KALUMLU 52

¹He tanc bauhmeipu, nang tuang simei khang tei tabui swna nang lyanti bam tu cho? Ravguangc thu suai zat mak ge.

²Meickai ta sw kasic khang na nang hei raengc bam e; nang baley hei ntukmei samv baeng kumc e. Nang kaganv thuic saraamc e.

³Gaymei ta suangc simei ta, nchumhmei ta suangc nkhuaimei ta nang kahaw e.

⁴He saraamhmeipu, nang lat rui meickai ta tikabiulou nii e.

⁵Mi zaeng rui Ravguangc rui nang ta tingsaeng khang swmutlou puni; kamei rui nang ta nym puni, kumna nang kai khou rui nang ta zay pat puni; kamei rui nang ta ringhmei dic khou rui laa ganc puni.

⁶Ravchaptatmei nunc mi hei howna ping puni; khou kiu kaniw nang ta nuicna sa puni,

⁷“Zauclo, Ravguangc khou hamhna kalunggai khou lwmlouna, kalanv khou ngangvloumeipu ti hei!”

⁸Tiki ai thu Ravguangc kai khou thau bammei ndiakcgaymei laengkic bang kumc e; ai hei tingsaeng khang kamei rui taek makna nzian bammei khou lwmlou e.

⁹He Ravguangc, nang rui taanclou kanmei taanv guay khang tei, ai nang ta kaganv thuic thuancku ni. Nang hei gay e twmei nang mei nunc mav khou kauc ndauh ni.