Read Rongmei Naga KALUMLU 53 Bible Online

KALUMLU 53 - Rongmei Naga bible

KALUMLU 53

¹Mpangmei rui, “Ravguangc maek ge,” twna kalung khou sa e. Mi zaeng rui kamei si the, karaeng kadangmei taanv rana taanc the; nchumhmei taanhmei khat sini maek khe.

²Ningtyngmei, kata kalummei nai bu ny twna Ravguangc tingkauh thangc rui maansei nac nunc ruc khou zauc key e.

³Tiki meic guayna chaeng maanv ngam the, meic guayna si ngam the. Nchumhmei taanhmei gaanv khat na sini maek khe, khat na sini maek khe.

⁴Ravguangc rui sa e, “Kaniw ningting maek khena cho? Mi simei taanhmei nunc hei ramhthay mak khena cho? Kaniw amei nunc ta kwamtuna lungc e, khatni kaniw akhou huayney zat mak ge.”

⁵Tiki kaniw ta tiping kadunh puni the, ariw zat makmei ramping ping puni the, Ravguangc rui kamei nunc ta zauczihmei nunc rou guay nrou phaklou puni. Ravguangc rui kaniw ta ganc pat the, kumna Isarael rui kaniw ta ngam puni the.

⁶Isarael khang rihngammei hei Zaion khou rui guang pw e thei mu! twna ai huay e. Ravguangc rui kaniw ta suaihiamlou dat pwkhou kiu, Isarael adih neihla puni cho!