Read Rongmei Naga KALUMLU 57 Bible Online

KALUMLU 57 - Rongmei Naga bible

KALUMLU 57

¹ He Ravguangc, ata zauc nzianlou o; nang khou duplou khang ai guang e. Pwanzingh luai mak saanv nang swkaeng lym khou duplou e.

²Ai rui Kauh Liangsyngmeipu Ravguangc ta kaw e, akhang kage naimei guay tiiloumei Racguangc ta kaw e.

³Kamei rui tingkauh thangc rui dawlouna ata kanlou puni; ata rai bammei nunc ta kamei rui ngamlou puni. Ravguangc rui ata taek makna nzianlou bam puni, khatni kalatdyng suai zat lak ge.

⁴Maansei zanc tumei kamangliangpui nunc kumcna ata zauczihmei nunc rui ding haengv the, kaniw nei guay tei buy kumc e, pailu kumc e; kaniw baley ntukmei baengsaeng kumc e.

⁵Nang hym tingpuk kauh khou khatni nang ngamv kandih kapwm khou lyanlou o, he Ravguangc!

⁶Ata nym khang ata zauczihmei nunc rui phah zawlou the; ai hei lungh katuakcmei rui padik the. Achaeng lwan khou kaniw rui kuamc chaulou the, tiki mi khou tei kaniw rana taek keylou kan the.

⁷Ai lwm kakh kak ge, he Ravguangc; ai lu suanna nang ta thuanc ni!

⁸Rakpat tho, abumaengc! Thau tho, atuang nrah alim! Ai neihmik ta nchyang thau ni.

⁹He RINGHPOUC, ai nang ta zaatc guay pang khou thuancku ni. Meic guay pang khou ai nang ta thuanc ni.

¹⁰Nang ramzian tingpuk tangc e; nang tuang lwmlou nuhmei tingpuk kauh tangc e.

¹¹He Ravguangc, nang tik nang hym tingpuk khou lyanlou o, khatni nang hym kandih kapwm khou lyanlou o.