Read Rongmei Naga KALUMLU 58 Bible Online

KALUMLU 58 - Rongmei Naga bible

KALUMLU 58

¹Dihsinpouc nunc nangniw nchumhna latzan sw dai? Nangniw meic kapwmna ta guhsw gahsw makna latzan sw bam dai?

²Hamh e! Nangniw simei taanh khang na kakhanh e, nangniw rui mi kandic khou abay adap swbak swruapmei tiipat re.

³Meicgay makmei nunc kaniw panty kapwm chaeng maanv the; kaniw ta puanclou nungc rui kaniw saraamc kahouh the.

⁴Kaniw nrui kumcna khay rui padik ge; nrui sw nngiumeipu khwan chu makmei,

⁵duaih sinmeipu lu chu makmei kanu ndymei ruigam kumc kaniw nu ndy the.

⁶He RINGHPOUC, mi kanin simei kamang nunc nei tei swbaulou o.

⁷Sypung khou dui bunlou kumc kaniw maan kan diu; chaeng khou thaumei pucbwan ta kumc nii piaklou diu.

⁸Kaniw hei karaanv swna nungc mut kanmei tanyang kumc mut kan diu, theicna puanc patna neihmik how makmei nac tei kumc kan diu.

⁹Kaniw thay makna bam khou puc bwan kathapc kumc kaniw ta kathap key the. Ravguangc rui meicpingmei kalungpuam khou kaniw ta nringh phiak ganc puni.

¹⁰Paapcmei nunc ta dandi tiimei ta how pwkhou, ravchaptatmei nunc zaenggay puni; kaniw meicsimei nunc zei khou ruan tat puni.

¹¹“Ravchaptatmei nunc khang kaphy nai changh e; kandih ta latzan swmei Ravguangc nai changh e,” twna meic nunc sa puni.