Read Rongmei Naga KALUMLU 60 Bible Online

KALUMLU 60 - Rongmei Naga bible

KALUMLU 60

¹ He Ravguangc, nang rui aniw ta ganc pat the, aniw ta zaw tisilou the. Nang aniw ruc khou lunghpuamc guang the; ntaw aniw ta laalou dat ro.

²Nang rui kandih ta kanukc the, kumna swbaklou the. Mi bakmei zam guay hei tigaylou dat ro; mi hei phak puni the.

³Nang rui nang mei nunc ta tiryanra kasiclou the; aniw zouh mbamei kumc tat ntwn ngam mak khe.

⁴Nang ta pingmei nunc khang piangmalac daanclou the, heikum pwkhou tasiat charimei khou rui duak khang e.

⁵Nang pwmtan rui aniw ta kanlou o; aniw huayneymei dawlou o; nang nzianmei nunc ta kanduaklou o.

⁶Katuang nthanmei bamv khou rui Ravguangc rui sa the, “Rihngamna ai rui Sekem ta nzanh puni, Sukkot Nzaengc hei amei nunc khang nzanh puni.

⁷Gilead hei atuang e, Manase hei ni atuang e; Ephraim hei atuang tanhmei rihmei nunc e; khatni Juda hei atuang dihsinmei kaikhwang e.

⁸Tiki ai rui Moab ta phaykhiu kaikhuang, atuang malamei bangc tisw puni, Edom ta atuang e twna aphaythuapc rui piangmalac daanclou puni; ai rui Philistinmei ta rihngamna hozam kauc puni.”

⁹He Ravguangc, raengh raengloumei kaidai lungc khou tei thow rui ata nduangh gut nina cho? Thow rui ata Edom khou nduangh gut nina cho?

¹⁰Nang rui aniw ta ganclou tu hamhna cho? Nang rui atuang ricmei nunc ta tat nduanghlou dat lak khena cho?

¹¹Ata zauczihmei nunc ta akhangv nkhavlou o; maansei ram-nkha thu nsa de.

¹²Ravguangc rui nkhavlouna aniw rih ngam ni; aniw ta zauczihmei nunc ta kamei rui nii binlou puni.