Read Rongmei Naga KALUMLU 63 Bible Online

KALUMLU 63 - Rongmei Naga bible

KALUMLU 63

¹ He Ravguangc, nang hei aRacguangc e, ai nang ta agwn e. Alung kapwm rui nang ta kahaw e; dui maekmei tasicramv kumc abumaengc nang ta tari e.

²Ravkai khou nang ta tihowlou o; nang pumtan khatni nang hym akhou lyanlou o.

³Nang rui taek makna nzian bammei ramzian hei ringhmei suangc sini gay e. Mi zaeng rui ai nang ta thuanc ni.

⁴Ai ringh saanv nang ta thuanc bam ni; abaanc zay thauna nang khou huayney ni.

⁵Tugay zangvgayna pianmei kumc abumaengc rui pian puni, ai zaenggayna thuanckumei lu nang khou suan ni the.

⁶Alaeng khou zip mphaihna nang ta makumh e; zingbangc saanvsaengh ai nang ta kakhanh e.

⁷Kalam thu nang rui ata nkhavlou bam e. Nang swkaeng lym khou ai neihlana suan e.

⁸Ai nang khou bam ntip bam e, kabiu kabaeng mak khang nang baanc zat rui pamclou e.

⁹Ata rik bammei nunc taruaih thangc key puni.

¹⁰Kaniw rih bamv khou theic puni, kaniw angiw taek sw puni.

¹¹Guangh neihla puni, Ravguangc rui kakhou rihngammei tiilou the. Ravguangc zanc khou latdyng swmei nunc tei kata thuanc puni; tiki saraamhmei nunc mwang thingclou puni.