Read Rongmei Naga KALUMLU 64 Bible Online

KALUMLU 64 - Rongmei Naga bible

KALUMLU 64

¹He Ravguangc, ai ryanra bam e, ai huayneymei chulou o! Ata zauczihmei nunc ta ping e; apanty kanlou o!

²Meicsimei nunc phac khou rui gaeklou o; meicgay makmei nunc kwam guangmei khou rui gaeklou o.

³Kaniw baley baengsaeng kumc kating ntuk ge, meic nzimei lat rui pailu kumc khaanc bam e.

⁴Zak thay makmei saraamhmei lat rac paengv tat khang kaniw katumc e. Zamna sakasicmei lat rui kaniw rui meicgaymei nunc ta kasic e.

⁵Kaniw simei taanv taanh khang khat khat ta katiu thau e! Tabui khou kaniw phah zawlou ni cho twmei kaniw tamdiu the. “Meic gaanv khat na sini mi guay tei how mak ge,” twna kaniw sa the.

⁶Kaniw simei taanh khang raengclou lana, “Aniu raeng nthuihna swlou the,” twna kaniw sa the. Maansei lung khatni lungning hei meic thay tangh mak ge.

⁷Tiki Ravguangc rui katuang saucpai rui kaniw ta kaap the, kumna thay mak daekna kaniw kabiu the.

⁸Mi lat guay zaeng rui kamei rui kaniw ta swmaan puni; kaniw ta howmei guay rui kaniw py kazinh puni.

⁹Kaniw meic guayna ping puni; Ravguangc taanv ta kaniw kakhanh puni, kumna kaniw kataanv tei dinc puni.

¹⁰RINGHPOUC rui taancloumei taanv khang tei, ravchaptatmei guay neihla puni. Kaniw kakhou duplou puni; meicgaymei guay kata thuanc puni.