Read Rongmei Naga KALUMLU 67 Bible Online

KALUMLU 67 - Rongmei Naga bible

KALUMLU 67

¹He Ravguangc, aniw ta zauc nzianlou o khatni suaihiamlou o; aniw ruc khou nzian kadanna zauckeylou o,

²zaatc kapwm rui nang ningmei thay nuh khang, nang tuang kanloumei ta zaatc guay rui thay diu khang e.

³He Ravguangc, zaatc guay rui nang ta thuanc diu; zaatc kapwm rui nang ta thuanc diu!

⁴Zaatc guay zaenggay diu khatni neihlalu suan diu. Kalam thu nang rui zaatc nunc ta nchumhmei latzan swlou the, kandih khou zaatc kathuic ta chaengzaylou the.

⁵Zaatc guay rui nang ta thuanc diu, he Ravguangc; zaatc kaguayna rui nang ta thuanc diu!

⁶Ravguangc rui aniu kandic khou phunling phunlu ti-nthailou the, aniu Racguangc rui aniu ta suaihiamlou the.

⁷Ravguangc rui aniu ta suaihiamlou the; kandih kapwm rui kata kangamv kaziu sw diu.