Read Rongmei Naga KALUMLU 7 Bible Online

KALUMLU 7 - Rongmei Naga bible

KALUMLU 7

¹He RINGHPOUC, aRacguangc, ai nang khou duplou e; ata suic bammei nunc khou rui kanlou o, kaniw khou rui gulou o.

²Kamang nkay kumc kaniw ata puanc tat puni, kanlou nimei maekna sat tat puni, kaniw rui ata thaekpuat paruatlou puni.

³He RINGHPOUC, aRacguangc, mi guay hei ai taanclou khwan e thei: ai taanc maanvlou tuang nai e thei,

⁴apammei khou simei taanclou tuang nai e thei, ata zauczihmei tuang kalam maekna kwam laalou tuang nai e thei;

⁵zauczihmei nunc rui ata nthau tangcna nym kan di tho, kaniw ata dowluaina aphouc kandih khou ganclou kan di tho!

⁶He RINGHPOUC, nang lungpuamcna thaulou o! Ata zauczihmei nunc kaniw reic thauna lungpuamc bammei hu khou hei thaulou o; nang thauna ata nkhavlou o; nchumhmei latzan swlou o.

⁷Meic guay ta nang daeng khou khuam guanglou o; kauh thangc rui kaniw ruc khou guanghtuna sinlou o.

⁸He RINGHPOUC, zaatc guayna latzanpouc, akhang latzan swlou o; akhuay maek ge twmei nang thay e.

⁹Nang hei nchumhmei Racguangc e, lungning khatni lungsyng ta latzan swmeipu e. Meicgay makmei nunc tuang simei taanv tei ti-nthaekclou o, kumna ravchaptatmei nunc ta suaihiamlou o.

¹⁰Ravguangc hei ata gaekloumeipu e; kalat piumei guay ta kamei rui kanlou e.

¹¹Ravguangc hei nchumhmei latzanpouc e, kumna meicsimei nunc ta kaganv thuic latzan sw bammeipu e.

¹²Kaniw lunghlaih mak ge thei, Ravguangc katuang thandibaeng kating the. Kamei katuang saucpai mbwng pat the.

¹³Theic nuhmei buy-baeng kamei sin thau the, khatni katuang chuanghmei pailu khaanc bam the.

¹⁴Zauclo, meicsimei nunc rui simei taanv taanh khang kakhanh bam e; kaniw tiryanra khang raengc e khatni meicguatmei taanv taanc e.

¹⁵Tiki kaniw rana kaniw tuang kwam khou keylou the.

¹⁶Kumna kaniw tuang meicguatmei taanv guay tei rui kaniw rana kaniw ta dandi tii the, khatni kaniw rui meickai ta swluai khang swmei tei rui kaniw rana kabiu the.

¹⁷Katuang nchumhmei taanv khang rui; ai RINGHPOUC ta thuanc ni; kauh liangsyngmeipu ta ai thuancna suan ni.