Read Rongmei Naga KALUMLU 75 Bible Online

KALUMLU 75 - Rongmei Naga bible

KALUMLU 75

¹He Ravguangc, nang ta thuancku e; aniw nang ta thuancku e! Nang hei adih daic cho twmei aniw kauc ndauh e, nang rui taancloumei charynmei taanv guay aniw rac ndauh ni.

²Ravguangc rui sa e, “Latzan sw khang ai rui kaganv kaklou the, nchumhna ai latzan sw puni.

³Ringhmei khouringc katana kadunh sini, kandih kahak kanukc sini, ai rui kandih bam ti-ntiplou puni.

⁴Meicsimei nunc ta kaniw dai sw mak khang ai rui sa puni;

⁵kaniw gaengh sw taan khang kaniw khou sa puni.”

⁶Latzan hei neihpat neihkey thangc rui guang mak ge, dihpy dihba thangc rui ni guang mak ge.

⁷Latzanpouc hei Ravguangc e; gaanvsaekc ta dandi tii e, gaanvsaekc ta kakhuay maekmei twna kalauh nthanlou e.

⁸RINGHPOUC kabaanc khou, tanhmei kalungpuam zouc padikmei buangc sin bam e. Kamei rui hei tei bun key the; kumna meicsimei guay hei tei zangv the; kaniw hei tei muangc khuph khupna zangv kan the.

⁹Tiki ai Jakob Racguangc lam khou sa nthaekc lak ge, kata thuancna suan nthaekc lak ge.

¹⁰Kamei rui meicsimei nunc chei riam bau puni; ravchaptatmei nunc chei tikauh thau puni.