Read Rongmei Naga KALUMLU 81 Bible Online

KALUMLU 81 - Rongmei Naga bible

KALUMLU 81

¹Aniu ta damcloumei Racguangc khou neihlana kauc o; Jakob Racguangc ta thuancna suan o!

²Lu tei kauc thau tho, syamtuaic khuangc hiw tho; nrah khatni gitar khou nuh gaymei lugwan downa suan o.

³Bwthanh khatni bwlanv pat pwkhou, ngay khang ziuh chei muan o.

⁴Mi hei Isarael khang kalatdanv e; Jakob Racguangc khou rui patmei latdanv e.

⁵Kamei Izip kandih ta adow khou tei rui mi latdanv hei Isaraelmei khang tiilou the. Thay makmei khwan rui mi kumcna samei ai chu e:

⁶“Ai rui nangniw nam khou naimei puatrith tei luak keylou the; nangniw tuang niangtauc puatc rith tei ai rui laakeylou the.

⁷Nangniw ryanramei ganv khou, nangniw ata kaw khwan e, kumna ai rui nangniw ta kanlou khwan e. Ai rui tingpuak tingsauhmei muangc ding khou rui nangniw khou dawlou the. Ai rui nangniw ta Meriba duipuakckai khou nchanv the.

⁸Amei nuncle, ai rui nangniw ta luh bammei hei nking o, Isarael, nangniw alat piu e thei mu twna ning e!

⁹Nangniw rav baihmei ta khat sini kalum lak nina e.

¹⁰Ai hei RINGHPOUC nangniw Racguangc e, nangniw ta Izip kandic khou rui phungc patloumeipu e. Nangniw mwang hah daic pat ro, ai rui pha padiklou puni.

¹¹“Tiki amei nunc rui alat chulou mak khe; Isaraelmei alat piu mak khe.

¹²Kumna ai rui kaniw ta kaniw tuang nutanhmei chaeng khou titat the, khatni kaniw rui kahawmei titaanc the.

¹³Amei nunc rui alat chulou khwan e thei, kaniw alat piu khwan e thei;

¹⁴ai katumcna kaniw ta zauczihmei nunc ta zaw tisilou ni tuang e, kaniw ta howmumei nunc ta ngamlou ni tuang e.

¹⁵Ata karaengmei nunc pingna amav khou nkhum key ni tuang e; kaniw ta tingsaeng khang dandi tii bam kan ni tuang e.

¹⁶Ai rui nangniw ta gaymei gehu titu ni tuang e, nwmbangc nkhuaic dui rui ti-ngulou ni tuang e.”