Read Rongmei Naga KALUMLU 85 Bible Online

KALUMLU 85 - Rongmei Naga bible

KALUMLU 85

¹He RINGHPOUC, nang rui nang kandic ta nzianlou khwan e; nang rui Isarael ta tilungc chingkhiuhlou khwan e.

²Nang rui nang mei nunc paap guay kuaklou khwan e, khatni kaniw rui nkhuailoumei guay kuaklou khwan e.

³Nang kaniw ta lunghpuamc taan khwan e.

⁴Aniw ta laalou dat ro, he RINGHPOUC, aniw ta kanloumeipu, aniw ta kwn makmei swlou dat ri tho!

⁵Nang aniw ta tingsaeng lunghpuamc bam nina cho? Nang lungpuam nthaekc dat zat lak khena cho?

⁶Nang mei nunc aniw nang ta thuanc bam dat khang, aniw chaengc tiringclou dat ro.

⁷He RINGHPOUC, taek makmei nang ramzian tei aniw ta nzianlou dat ro, khatni nang rui aniw ta kanlou dat ro.

⁸RINGHPOUC Ravguangc rui sa pw nimei ta ai nking bam e, aniu hei aniu tuang mpangmei chaeng khou hanc dat mak ti thei, kamei nunc aniu khang chuzaenghmei lat salou puni.

⁹Kalingna katik kahym aniu kandic khou nai bam khang, kata ngamziu swmei nunc ta kanlou khang kamei chamdaanvna nkhwan bam e.

¹⁰Nzianmei lev lwmlou nuhmei kariu puni, ntwnmei lev chuzaenghmei pamc puni.

¹¹Maansei tuang biang piu chuymei kandih khou rui ku puni, khatni Ravguangc tuang nchumhmei tingkauh thangc rui zauc key puni.

¹²RINGHPOUC rui aniu ta suaihiamlou puni, khatni aniu kandic nap-bi ti-nthuihlou puni.

¹³RINGHPOUC mav khou nchumhmei tat puni, khatni kakhang chaeng kasiamhlou puni.