Read Rongmei Naga KALUMLU 88 Bible Online

KALUMLU 88 - Rongmei Naga bible

KALUMLU 88

¹He RINGHPOUC Ravguangc, ata kanloumeipu, ai neihmaryn kapna huay e, zingbangc nang mav khou guang e.

²Ai huayneymei chulou o; nkhavlou khang ai rui kapna huaymei chulou o!

³Akhou ryanramei rui padik the, ai tarou ana guang the,

⁴tarou thangc key kan nimei pang khou chaklou bam the; apumtan guay maan ngam the.

⁵Ata theihmei pang khou ganclou the, ai hei dowluaina tarou khou nzilou bammei nunc, nang rui ningtowlou dat makmei nunc, nang rui nkhavlou dat ngam makmei nunc kumc the.

⁶Nang rui ata tarou syng thangc, nthukmei zinghmei khunc khou ndat ganclou the.

⁷Nang lungpuam aruc khou nrit key the, nang lungpuam duimuat bangc khou ata bin piaklou the.

⁸Nang rui apam nunc ta ata ti-mpatlou the, nang rui ata kaniw khang karaengmei puat tiswlou the. Ata mbangh binlou the kumna duak dat ngam mak khe.

⁹Ryanramei rui amik how mak khe. He RINGHPOUC, tingmik kathuic ai nang ta kaw e, khatni huayneymei baanc nang khou zay thau e.

¹⁰Nang rui charynmei taanv theihmei khang taanclou dina cho? Kaniw thauna nang ta thuanc dina cho?

¹¹Nang tuang taek makmei ramzian ta tarou khou sa bam dina cho? Nang lat suai zat makna taanclou bammei ta taruaih khou rac bam dina cho?

¹²Mi zinghmei bamv khou tei nang tuang charynmei taanv guay ta how dina cho? Amucloumeidic khou tei nang ramgai how dina cho?

¹³He RINGHPOUC, nkhavlou khang ai nang ta kauc e; lauthwan kathuic ai nang khou huayney e.

¹⁴He RINGHPOUC, tabui swna nang ata ganc patlou tu cho? Tabui swna nang akhou rui karih ntheih tat tu cho?

¹⁵Ai chabwan khou rui thauna, ryanra khaengv guang the, theih khang ana guang the; nang tuang dandi puatrith rui ai suan the.

¹⁶Nang rui reih thauna lunghpuamhmei rui ata liak bin the; nang tuang meicpingmei taanv rui ata sw kamut kamailou the.

¹⁷Neihmaryn kaniw ata duidai kumc bam haengv the; kaniw ata kazat kathuic thangc rui ding haengv guang the.

¹⁸Ata nzian dianghmei pam nunc ta sini nang rui ata ti-mpatlou the, apam kiu zinghmei hei na di the.