Read Rongmei Naga KALUMLU 92 Bible Online

KALUMLU 92 - Rongmei Naga bible

KALUMLU 92

¹RINGHPOUC ta thuanhmei hei gay e, kauh liangmei nang zanc ta thuanhmei hei gay e,

²nang rui taek makna nzianlou bammei hei lauthwan kathuic tingzyn kathuic sa ndauhna,

³alim muanna, kariang ruhmei nrac downa nang ta thuanc bammei hei gay e, he Kauh Liangmeipu.

⁴Kalam thu, he RINGHPOUC, nang rui taancloumei taanvdaih hei rui ata tineihlalou the; nang rui taancloumei taanv guay khang hei neihlana suan e.

⁵He RINGHPOUC, nang taanv hei adih daic kan tu cho! Nang lungning hei adih nthuk kan tu cho!

⁶Mi hei mpang nlomei rui kabah thay tangh mak ge,

⁷Meicsimei nunc hei pucbwan kumc kalup bam sini, simei taanhmei nunc tei lungcnai lungcthau bam sini, kaniw tingsaengzaeng khang mut kan puni.

⁸Tiki RINGHPOUC nang thu ngam daih karucsyngna tingsaengzaeng nai bam puni.

⁹Nang ta zauczihmei guay theic puni, meicsimei guay ta zaw tisilou puni twmei aniw thay e.

¹⁰Nang rui ata nwmbangc guaituamchic tanh kumc titanclou the; nang rui akhou neihlamei suaihiam tiilou the.

¹¹Ata howmumei nunc ta ngamloumei ta ai how the khatni meicsimei nunc kapmei ta chu the.

¹²Ravchaptatmei nunc tei kathaw gaymei tadanv bang pang kumc e; kaniw tei Lebanon ngouc tuang sidar bang pang kumc e.

¹³Kaniw ta RINGHPOUC kai khou lingclou e, aniu Racguangc tuang Ravkai khou kathaw gayna thau bam e.

¹⁴Bangpeic key pwkhou nganv kathai nthai e, khatni kabou daicna ndiakc tanh tan bam e.

¹⁵RINGHPOUC hei nzihmei e, khatni ata gaekloumeipu e; kakhou nkhuaimei maek ge twmei mi hei rui lyan e.