Read Rongmei Naga KALUMLU 97 Bible Online

KALUMLU 97 - Rongmei Naga bible

KALUMLU 97

¹RINGHPOUC hei guangh e! He kandih neihla o! neihla o, he duipui khou naimei kandic guay!

²Muangh lev zinghmei rui kata guam liam e; kamei nchumhna khatni nzihna dihsin e.

³Kahu khou mai tat re, kadaeng khou bam haengv bammei zauczihmei guay ta raw maan e.

⁴Katuang tingpalikmei riw rui kandih tigaanc e; mi riw tei howna kandih kadunh e.

⁵RINGHPOUC mav khou, kandih kapwm kaipouc mav khou chyngbut guay khuailiu kumc nungc key e.

⁶Katuang nchumhmei tingpuk rui kauc ndauh e, zaatc guay kahym how e.

⁷Ravmaengc kalummei guay ta tizaklou e; rav guay RINGHPOUC mav khou nkhum key e.

⁸He RINGHPOUC, nang tuang latzan guay khang rui Zaionmei nunc zaenggay e, khatni Judamei guay neihla e.

⁹He Ngamparymei RINGHPOUC, nang hei kandih kapwm ta sinmeipu e; nang hei rav guay pang khou daic liangmeipu e.

¹⁰Simei ta karaengmei nunc ta RINGHPOUC nzian e; kamei rui kamei nunc panty gaeklou e; kamei rui kaniw ta meicsimei nunc baanc khou rui kanlou e.

¹¹Ravchaptatmei nunc ruc khou gaanhmei, khatni meicgaymei nunc khou neihlamei tiilou e.

¹²Ravchaptatmei nunc, RINGHPOUC rui taanclou kanmei khang tei nangniw neihla o! Nthanmei Racguangc rui taancloumei tei ningtow o, kumna kata thuanc o.