Read Rongmei Naga LATKWDYN 15 Bible Online

LATKWDYN 15 - Rongmei Naga bible

LATKWDYN 15

¹Mbuaihmei latdaw rui lunghpuamhmei ta ti-nchulou e; tiki lat tanhmei rui lungpuam tithaulou e.

²Ningtyngmei nunc rui sa pat pwkhou ningtyngmei sw nii e; tiki mpangmei nunc mwang khou rui mpangmei bun pat re.

³RINGHPOUC thu kabamv kathuicna khou how e; simei ta ni gaymei ta ni zauc bam e.

⁴Nzaenghmei baley hei ringhmei thingbang e; tiki zauzian maekmei lat rui meic lung tikabiulou e.

⁵Mpangmei nac thu kapu nchamloumei ta thouhsw mak ge. Pu rui nchamloumei ta laaloumei hei ningtyngmei e.

⁶Ravchaptatmei kai khou lanv nai e; tiki meicsimei nunc lanv thu ryanramei ganv guang pwkhou maan e.

⁷Ningting hei ningtyngmei nunc rui nzanh pat re; mpangmei nunc rui hamh e.

⁸Meicgaymei nunc ravsuai tei RINGHPOUC pian e; tiki meicsimei nunc tuang khaengmei tei kamei karaeng e.

⁹Meicgay makmei nunc rui tat bammei chaeng tei RINGHPOUC karaeng e; tiki nchumhmei taanhmei nunc ta nzian e.

¹⁰Nkhuaimei taanv taanhpui mei ta tei tanhmei dandi tii puni; nchamloumei ta laalou zihpui mei tei theic puni.

¹¹Taruaih nganvna RINGHPOUC hu khou laanc duakloumei tuang de: maansei gaanv khat rui kalungning Ravguangc khou rui nkamh ngam nina cho?

¹²Sinnuimei nunc tei kaniw ta ncham ntwnloumei ta laa nii mak ge; kaniw tei ningtyngmei nunc khou ramh thanv nii mak ge.

¹³Meic lung neihla pwkhou meic zaw gaanc e; lungh ryanra pwkhou zaw zingc e.

¹⁴Ntakmei nunc rui thay geic niina phu e; tiki mpangmei nunc thu ramh thay makmei khou tei pianna bam e.

¹⁵Lungh ryanramei nunc panty hei kaganv kathuicna ryanrana lungc e; tiki neihla thaymei nunc tei kapanty khou neihla tanh tanna lungc e.

¹⁶Lungcgayna ryanra bammei suangc, lungcsina RINGHPOUC ta pingthayna bammei rui gay e.

¹⁷Khat khat ta karaengna, khav zanh tuna lungc bammei suangc, nzianna thingnuy paannu gan tuna lungc bammei tei rui gay e.

¹⁸Reih duimei rui agay agimei tipat re; tiki khaengvthaymei rui chuzaenghmei phungc guang e.

¹⁹Aliauhpui mei khang tei kabamv kathuic sauh rana rap de; tiki lungning nthanmei nunc khang thu chaengdai chaengphai rana de.

²⁰Ningtyngmei nac mpouh rui kapu ta tineihla e; mpangmei nac rui kapui ta mala e.

²¹Mpangmei nunc tei kaniw rampang khou kaniw neihla e; tiki ningtyngpui mei tei nchumhmei taanc puni.

²²Nchamloumei guay tei laa o, nang zawkauhmei ariw puni. Hei tei laatow mak ge thei, zawsimei ariw puni.

²³Lat sadaw cha raph twloumei hei neihlamei tuang e; kaganv cha khou saloumei hei adih gay kan tu cho?

²⁴Ningtyngmei nunc rui ringhmei khou zaylou nimei chaeng khou tat re; theihmei khou keylou nimei chaeng khou tat mak ge.

²⁵Kagaengh sw bammei nunc kai guay tei RINGHPOUC rui swmutlou puni; tiki kamei rui maypui nunc tuang ramvrei guay tei tikalung lak ge.

²⁶Simei lungning ta RINGHPOUC karaeng e; tiki latgay samei latsav ta kamei kahaw e.

²⁷Nchumh makna ramh laa khang sw e thei nang kai kaikhunc khou ryanramei guang puni. Lanvbiwmei laa tu riu, kum e thei nang panty lungsing puni.

²⁸Meicgaymei nunc thu kakhanhna daw e; meicsimei nunc thu simei lat duiluangh kumc daw pat re.

²⁹Ravchaptatmei nunc tuang ravsuai thu RINGHPOUC rui nkinglou e; tiki meicgay makmei nunc khou rui thu duc the.

³⁰Chamlaenghmei zawpaanv rui meic lung tineihlalou e, khatni gaychamv rui meic chaengc tiringclou e.

³¹Sw ntwnlou khang luh bammei lat tei nkingpui mei tei ningtyngmei pang khou kazauh puni.

³²Nchamloumei ta laa zihpui mei tei karana kata karaengmei e. Ncham ntwnloumei ta laaloupui mei tei ningting mbu e.

³³RINGHPOUC ta pingthaymei twmei hei ningting khou nchamloumei kiu rap di the. Meic nunc rui nang ta chakhwang champouh swlou diu khang nang niamh rey nina e.