Read Rongmei Naga SOLOMON LU 3 Bible Online

SOLOMON LU 3 - Rongmei Naga bible

SOLOMON LU 3

¹Zingbangc azuh azy khou zip lana, ai akhaamvpu ta zipmanv e; ai kata phu ki phu tow mak khe.

²Ai kaidai khou ruanna tat the, chaengdai khatni chaengkwn chaengkuaic khou tat the. Ai rui akhaamvpu ta phu tat the, ai phu the, tiki ariw mak khe.

³Kaidai rigaanv dingmei rui ata ariw the. “Akhaamvpu ta nangniw ariw bu cho?” twna kaniw khou thanv the.

⁴Ai kaniw lev tat ntamv datpui lev, kata ariw the. Ai rui kata pamc the, mpatlou dat mak khe; ai rui kata apuikai khou nduangh guang the, ata puancloumei kai khou.

⁵Jerusalemmei luc nuncle, akhou latdyng swlou o; asanhnay khatni sangai ta pancna siangdyng swlou o, aney nzianmei ta swkaguakc lak ge twna.

⁶Tazikramv thangc rui maikhou tiangc kumc guangmei hei, lanvguanhmei nunc rui zuanhmei agaw rym rui padikna guangmeipu hei thow cho?

⁷Solomon guang the, katuang taulai khou tuangcna; Isaraelmei khou gay liangmei rihmei 60 ta nduanghna guang the.

⁸Kaniw guay tei baengsaeng sinthaymei nunc e, kaniw rih khou baengtanc-rihliangmei nunc e. Kaniw guay tei sianphai khou baengthaeng louna zingbangc adow guang nimei ta rigaanv e.

⁹Guangh Solomon tei gay liangmei thing rui kasiamhmei taulai khou tuangc e.

¹⁰Katiangh guay tei daandi rui duap be; kachaekc rui karuhloumei phey rui gumlou e. Bamv tei haengc nrymmei phey rui gumlou e; Jerusalemmeipui nunc rui kasiamh chuyna kasiamhloumei phey rui.

¹¹Zaionmei luc nuncle, Guangh Solomon ta guang zauc lo. Kapui rui kanow suanh nungc, kamei neihla zaenggaymei nungc runloumei guangh pyrun kamei run bam e.