Read Rongmei Naga SOLOMON LU 6 Bible Online

SOLOMON LU 6 - Rongmei Naga bible

SOLOMON LU 6

¹Ntumei pang khou rui kalwn gay liangmeipuile, nang khaamvpu kiu tabui thangc tat kan thena cho? Nang khaamvpu kiu tabui chaeng tat kanna cho? Aniw khou dinclou o, phu nkhavlou me.

²Akhaamvpu katuang pikwan thangc tat kan e, balsam thingbang thaumei pikwan thangc. Kamei mi khou tei kalauziu pang ta kataek ti-mpac bam e, lili pwang khuam bam e.

³Ai nzianmeipu hei atuang e, ai katuang e; kamei rui katuang lauziu pang ta lili ding khou kataek ti-mpaclou bam e.

⁴Amwnpuile, nang hei Jerusalem kumc howgay e, Tirza kaidai kumc gay e.

⁵Nang mik akhou rui zauc mpeilou kan o; hei tei rui ata bangclou the. Nang sam tei ziuh pang kabaih kumc e, Gilead chyng khou kachuamh key kumc e.

⁶Nang huc hei kahiw tiapna duilow nthanloumei lauziu kumc mphwan e. Kachac makna thau bangh bang e, kaguayna nthuih thikh thik ge.

⁷Phey lungc khou nang biangctau adih gaanc kah ka cho?

⁸Guangh tei liammav 60, laamvnow 80, kasing thay makmei nai bam kan diu.

⁹Tiki ai thu gaanv khat na ta nzian e, kamei tei akhouhna kumc kalwn gay e. Kamei kapui napuan khou aluh akhat namei e, Ntumei guay rui kata thuanc e; liammav khatni laamvnow guay rui kata thuancna suan e.

¹⁰Kamik sei patmei tei lauthwan kumhmeipui hei thow cho? Kamei kalwn gay e, bw, neih kumcna karang e.

¹¹Ai almon bang ding khou key e, nzaengc khou thingbwan zauh khang, drakha nuy zik zauh khang, puc-heithai pwang zauh khang.

¹²Ai kadunh the; takuanh gari thouhmeipu rui rihbamv gut nii kumc nang rui ata ti-nzianlou the.

¹³Hanc guang dat ro, hanc guang dat ro, Shulammei alule, nang ta na zauc dat me Alaamh zauhmei kin nei kak khou ai alaamh bammei ta nangniw tabui swna zauc niina cho?