Read Rongmei Naga SOLOMON LU 7 Bible Online

SOLOMON LU 7 - Rongmei Naga bible

SOLOMON LU 7

¹Nang hei adih charynmeipui cho! nang phay tei phaythuapc run pwkhou adih howgay cho! nang tan hei baanhthaymei nunc rui ruaiclou kumc e.

²Maruai loumei drakhadui thip zat makmei buangc akhat nai e. Lili pwang rui thuap liammei gehu ban akhat nai e.

³Nang ngaengv hei asanh dingda bam kumc e, sangai kanei kumc e.

⁴Nang guang hei guaipuang nei tuang riphaankai kumc e. Nang mik hei Heshbon kaidai tuang zeihbuk kumc e, mi kai daihmei raenghkat daeng khou naimei tei kumc e. Nang nukwang hei Damaskas khou naimei Lebanon tuang rigaanvkai kumc e.

⁵Nangpy hei Karmel chyngbut kumc puanc kauh e. Nang sam hei sil phey kumc karang e; mi ramgai tei rui guangh lung nym the.

⁶Nang lwn adih gay cho; nang khaamvpu ta adih tikahaw cho!

⁷Nang hei tadanv bang kumc howgay e, nang ngaengv hei tadanv thai nthai chuy kumh e.

⁸Ai tadanv bang kuna kathai rei ni nang ngaengv hei drakhathai chuam kumc e, nang thiu hei appal thai rym kumc e,

⁹nang munthiu hei mpwan gaymei kumc e. Mi pwan kiu ai akhaamvpu khou aliulou kan di tho, kachy lev kahuc kak khou aliulou di tho.

¹⁰Ai hei nzianmeipu tuang e, kamei rui ata kahaw the.

¹¹Guang tho, nzianmeile, ruan thangc tat di kho, kumna zingbangc namv khou bangvlou di kho.

¹²Anei zipthau zaicna drakha luai tei zauc di kho, thau bu the ny zauc di kho, kapwang puangc the ny khatni puc-heithai pwang puangc the ny zauc di kho Mi khou kiu atuang nzianmei nang khang tii ni.

¹³Mandrak rimc namh puni, tingthai gaymei anei kai daeng khou nai e. Akhaamvpule, ai rui nang khang kahawmei kathanc ni karaan ni lou bam e.