Read Rongmei Naga ISAIA 12 Bible Online

ISAIA 12 - Rongmei Naga bible

ISAIA 12

¹Mi nungc kiu meic nunc kumna suan puni: “RINGHPOUC, ai nang ta thuanc e! Nang ata lunghpuamc bam khwan e, tiki ntaw thu nang lunghpuamc dat mak khe, kumna ata swmlou dat the.

²Ravguangc hei ata guloumeipu e; ai kakhou lwmlouna ping lak ge. RINGHPOUC rui akhang pumtan lev ngamv tiilou the; kamei hei ata kanloumeipu e.

³Tarimei nunc ta duithan rui tineihlaloumei kumc, Ravguangcmei nunc neihla e kaniw ta kanlou pwkhou.”

⁴Mi nungc kiu meic nunc rui kumna suan puni: “RINGHPOUC ta thuancku o! Nkhavlou khang kata kaw o! Kamei rui taancloumei tei zaatc kaguayna khou raclou o! Kahym tei kaniw khou raclou o!

⁵RINGHPOUC ta thuancna suan o! Kamei rui aniu khang taanvdaih taanclou the.

⁶Zaion khou bammei meic kathuicna kaucna suan o! Nthanmei Isaraelmei Racguangc hei daic e, khatni kamei hei kamei pang khou bam e.”