Read Rongmei Naga ISAIA 15 Bible Online

ISAIA 15 - Rongmei Naga bible

ISAIA 15

¹Mi hei Moab kandic lam khou tii guangmei lat re. Zingbangc akhat na khou rui Ar lev Kir kaidai swmaan the, kumna Moab kandic tei rimh rim the.

²Dibonmei nunc rui ravbamv khou kap khang chyngbut thangc ku the. Moabmei nunc rui Nebo khatni Medeba kaidai khang lungh kabiuna huayna kap the; lungh kabiuna kaniw py khatni kaniw biangc hiw guat the.

³Meic nunc tei khamseiphey nsuayna chaengluang dai khou tat the, kaidai tuang kailuang laa dai dai khou khatni kainam kainam khou meic nunc rui kapna huay the.

⁴Heshbon khatni Elealemei nunc kap ranvna kap the, kumna kaniw kapmei khwan Jahaz chu tangc e. Rihmei nunc nganv kadunh the; kumna kaniw bauh mak khe.

⁵Moab khang alung rui kap be! Meic nunc tei Zoar kaidai thangc khatni Eglat Shelishiya thangc pak tat kan the. Gaanvsaekc rui kapna kapna Luhit chaeng khou kaphatc ku the, gaanvsaekc rui kap rah ndyna Horonaim thangc pak tat the.

⁶Nimrim duithuak thip the, duibaek paengc khou nai bammei ramhbwan guay ngguaih ngam the, thingnuy ndiakcmei khat na sini nsaekclou mak khe.

⁷Meic nunc tei kaniw tuang khiukhingh phungcna Tazungbang nzaengc paengc thangc pak tat the.

⁸Moabmei ramvrei kabamv kathuicna khou kapmei khwan chinh chin the. Kapmei khwan tei Eglaim khatni Beerelim khou chu the.

⁹Dibon tuang duithuak tei zei rui padik the kum bam sini hei khang suangc simei kaniw ruc khou tiguang khang nai di he, Moab khou rui duakpatmei nunc khatni mi kandic khou bammei guay khang kamangliangpui nai bam e.