Read Rongmei Naga ISAIA 20 Bible Online

ISAIA 20 - Rongmei Naga bible

ISAIA 20

¹Asiriamei guanghdaihmei Sargon tuang latdanv theilayna Asiriamei ricmei kapy daic liangmeipu rui Philistinmei kaidai Asdod ta kuak khwan e.

²Hei tei pat nimei tingkwm kathumh hu khou RINGHPOUC rui Amoz nac mpouh Isaia ta kamei rui piu bammei khamseiphey khatni kaphaythuapc luak gancna tat ro twna sa the. Kamei paliucna pumtang kaphay nsynna tatna bam the.

³Asdod ta rihnym khou RINGHPOUC rui sa the, “Abangc Isaia hei tingkwm kathumh pumtang khatni kaphay nsynna tat guang the. Hei tei Izip lev Sudan khou pat nimei tuang maengc the.

⁴Asiriamei guanghdaihmei rui mi kandic kanei khou tei rui nymmei kangmei nunc ta tei heikumna pumtang zay tat puni the. Alauc ni gaanvthaih ni pumtang, kaniw lingpeic lyanlouna, Izip ta tizakclouna kaniw phay nsynna tat puni the.

⁵Sudanmei khou lwmlou bammei nunc khatni Izip zaeng rui daic tuh tu bammei nunc key reih rei puni the khatni kaniw ningmei guay kaingam puni the.

⁶Mi ganv kiu guang pwkhou, Philistin tuang duipui paengc khou lungc bammei nunc rui kumna sa puni, ‘Zauc lo, Asiriamei guanghdaihmei khou rui aniu ta gaeklou pwng e twna lwmgay bammei meic nunc tei akumh bam tha! Akumhna aniu ringc nina cho?’ ”