Read Rongmei Naga ISAIA 39 Bible Online

ISAIA 39 - Rongmei Naga bible

ISAIA 39

¹Mi ganv khou tei Babilonmei guangc Baladan nac mpouh Merodak Baladan rui Guangh Hezekia nnauna gay dat the twmei chamv chu lana tatdyn akhat lev kaipat tii guang khwan e.

²Hezekia rui latdiu tatmei nunc ta tei laalou chuyna laalou the khatni katuang khiuhkhingh guay katuang daandi kachaekc, maruai thauh, khatni karym namhgaymei thauc, khatni katuang rih na kaguayna lyanlou the. Katuang ramh ryloumei bamv khou khatni kaguanghdic khou tabui bui bamv khou pwni ryloumei kaguayna tei kamei rui lyanlou makmei puat maek khe.

³Khoutei muhzwng Isaia rui Guangh Hezekia khou guangna thanv the, “Mi nunc tei tabui thangc rui guangmei nunc cho khatni kaniw tabui lat nang khou salou bu cho?” Hezekia rui daw the, “Kaniw duhmei Babilon kandic thangc rui guangmei tuang e.”

⁴“Guanghkai khou kaniw tabui how kan tu cho?” twna Isaia rui thanv the. “Kaniw ramh kaguayna how kan the. Ramh ryloumei bamv khou naimei kaguayna lyanlou ngampary kan dyng the” twna daw the.

⁵Mi tangv tei Isaia rui Hezekia khou sa the, “Ngamparymei RINGHPOUC rui samei nking o,

⁶nang pu nangpouc rui aseic nganv ry kaduailoumei lanv guay nang tuang guangc kai khou naimei katana ta Babilon thangc phungc tat nimei ganv guang the, ramh akhat na sini loubam nimei tuang hamh the twna RINGHPOUC rui sa the.

⁷Nang khou rui lungc guangmei kikta asaekc ta phungc tatna kapumc siam lana Babilonmei guangc siamruai tisw puni.”

⁸“RINGHPOUC lat nang rui phungc guangmei lat hei gay the” twna Hezekia rui daw the, kalam thu sa bammei lat tei kazuk khou guang ni tuang hamh e twmei kamei thay khwan e.