Read Rongmei Naga ISAIA 4 Bible Online

ISAIA 4 - Rongmei Naga bible

ISAIA 4

¹Mi nungc kiu thu ntumei gaanv chanei rui nggaanvmei gaanv khat na ta nym lana, “Aniw pheybaan khang khatni aniw bung khang aniw rana kaphianh kan ni de, nang aniw gaanv na swlou o, mic thui lakmeipui nunc swna zak nimei na tei ariw mak khang na,” twna sa puni the.

²Mi nungc kiu RINGHPOUC rui mi kandic tuang thingbang khatni ramh bwan guay kathau gayna tithaulou puni, Nsaekcloumei Isaraelmei guay mi khou tei neihla puni khatni mi kandic khou rui nthai patmei zaeng khou tei rui kaniw gaengh sw puni.

³Theic nsaekclou khang Ravguangc rui kadahloumei, Jerusalem khou ganclou duhmei guay ta tei nthanmei twna kaw puni.

⁴Kaipouc kamei rui kapumtan rui Isaraelmei ta latzan swna sw nthan pat puni kumna Jerusalem tuang paap khatni khou tei keylou kanmei zei guay tei khiu nthanlou puni.

⁵Khou kiu Zaion Chyng khatni mi ruc khou tei guang kaduaina bammei guay ruc khou, RINGHPOUC rui kalaanv chaeng muangh khatni zingbangc maikhou khatni karangmei mai bwang tii key puni. Ravguangc hym rui kaidai kapwm tei guam binlouna gaeklou puni.

⁶Kahym rui mi kaidai ta tei kalaanv neic thiu khou rui sungclou puni khatni hei tei tingpwanzingh khou rui giuga makna duppuibamv tiswlou puni.