Read Rongmei Naga ISAIA 46 Bible Online

ISAIA 46 - Rongmei Naga bible

ISAIA 46

¹“Mi hei Babilonmei rav nunc tuang luaimei kiu the! Bel lev Nebo ta kalum bam khwan e, ntaw thu hei tei kuanniam puat sw the, lakmei khouringc nunc puat sw the.

²Ravmaengc nunc kaniw rana sini kan ngam mak ge; kaniw ta rihmei nunc rui laana phungc tat the. Heikumna Babilon tuang rav nunc tei luailou the!

³“Ai rui samei nking o, Jakob kikta nunc, nsaekcloumei amei nuncle. Nangniw ta puanclou rap khou rui ai rui kadanlou guang the.

⁴Ai hei nangniw tuang Racguangc e kumna nangniw gaanvthaih keyna py puangc nziuh key mak saanv nangniw ta kadanlou puni. Ai rui nangniw ta kasiamhlou the kumna nangniw ta kadanlou puni; ai rui nangniw ta nkhavlou puni khatni kanlou puni.

⁵“Nangniw ata thow lev kida nina cho?” twna RINGHPOUC rui sa e. “Ai kumhmei baihmei nai bu cho?

⁶Meic nunc rui kaniw tuang syan khau laanc patna kachaekc bun pat the; kaniw rui daandi duh khou ndath pat the. Rav kasiamhlou khang kachaekc dymei ta lanv the; kumna mi ta tei kaniw nkhum keyna kalum the!

⁷Kaniw rui mi guay tei kaniw bou khou puanc thau louna tat the; kaniw rui hei tei loumei bamv khou tei ding bam the, hei khou tei rui kalaic dat ngam mak khe. Mi khou tei huayney pwkhou, hei tei daw thay mak ge, khatni kanlou ngam mak ge.

⁸“Mi hei ningtow o, paapcmei nuncle; ai rui taanclou kanmei tei ningtow o.

⁹Reynungc pat kanmei tei ningtow o, ai na hei Ravguangc e kumna ai kumhmei baihmei maek ge twmei ningtow o.

¹⁰Pat nimei tei rey khou rui ai dinclou rey the; guang nimei tei theidouc rui salou rey the. Atuang raeng guay thu suai zat lak ge, ai rui taanc nimei guay tei ai taanc puni.

¹¹Neihpat thangc rui guang khang meic gaanv khat ta ai rui kaw the; kamei mouc rui ramh puanc ni kumc samc key puni the kumna ai rui taanh khang raengcloumei tei kamei taanc pat puni the.

¹²“Ai samei hei nking o, nangniw lungning tanhmei nunc, rih ngammei hei ducna nai de twna ningmei nangniw.

¹³Rih ngam nimei tingmik ai rui ti-ana guang the mi hei duc zat mak khe. Ai rui rih ngam nimei hei asaanh mak khe. Ai rui Jerusalem ta kanlou puni kumna khou tei Isaraelmei hym tidaiclou dat puni.”