Read Rongmei Naga LEVITHOUC 12 Bible Online

LEVITHOUC 12 - Rongmei Naga bible

LEVITHOUC 12

¹RINGHPOUC rui Mousi khou sa the:

²Mi latdanv guay hei Isaraelmei khou sa o, Ntumei akhat rui kapumc nritna nah mpouh puanc e thei kaniw bw chaeng tatmei ganv khou tei kumcna kariak theilayna zaeng chanei nthan mak ge.

³Zaeng tachatpui nungc mi nac tei kagic ruamc nina e.

⁴Mi tangv tei kapumc khou zei keymei khang tei rui zaeng 33 sw nthanmei tuang taanv taanc nina e. Kata sw nthanmei tuang taanv tei taanc luai mak saanv kamei tei nthanmei puat ta kahi nuh mak ge khatni kalummei pheykai khou gut nuh mak ge.

⁵Meic pui akhat rui kanac aluh puanc tangmei tangv, bwchaeng tatmei ganv khou kumcna kamei kariak khou zaeng 14 nthan mak puni. Mi tangv tei kakhou zei keymei tuang sw nthan datmei tuang tei zaeng 66 gut nina e.

⁶Aluh pwni, mpouh pwni puanc tangmei tangv, sw nthanmei tuang taanv tei taanc luai kan pwkhou rawna khaeng khang tingkwm akhatmei lauziunac khatni paapc khang khaeng khang akhouhna hamh e thei aphyna akhat RINGHPOUC tuang kalummei pheykai kaimav khou amuh khou tei phungc guang nina e.

⁷Amuh tei rui katuang puatkat tei RINGHPOUC khang katlouna kapumc tei sw nthanmei tuang thouc tei swlou puni. Kumlou e thei kamei nthan dat puni the. Mi hei ntumei akhat rui kamei nah bam tangmei tangv taanc nimei tuang the.

⁸Kum e tiki kamei tei rui lauziu tei kat ngam lak ge thei, rawna khaeng khang khatni paapc khang khaeng khang aphyna kanei khatni akhouhna kanei phungc guang nina e. Heikumna amuh tei rui sw nthanmei tuang thouc tei swlou e thei kamei tei nthan dat puni.