Read Rongmei Naga JEREMIA 45 Bible Online

JEREMIA 45 - Rongmei Naga bible

JEREMIA 45

¹Josia rui puanhmei Jehoiakim, Juda tuang guangc swmei padeihmei kwm, ai rui sa tina Baruk rui hy key the.

²RINGHPOUC, Isaraelmei Racguangc rui sa e twna ai rui kakhou kumna sa the, “He Baruk,

³‘Ai hei sansi e dav ni! Ai ryanramei khou hei RINGHPOUC rui zaengsimei haaplou the. Ai hei kalanghmei rui lak the, kumna ai zaengsw tow mak khe!’ twna nang sa bam e.

⁴“Tiki RINGHPOUC ai rui kasiamh thauloumei tei swra key dat the khatni ai rui lingcloumei tei phuai pat dat the. Ai rui mi hei kandic kapwm khou sw puni the.

⁵Nang ta baiclat latna nkunna swlou o twna nang ningna cho? Kumna ning riu. Maansei kaguayna ruc khou kamut kamaimei tiguang puni the, tiki nang tatlou loumei bamv khou nang panty na thu duak puni. RINGHPOUC ai rui sa the.”