Read Rongmei Naga EZEKIEL 15 Bible Online

EZEKIEL 15 - Rongmei Naga bible

EZEKIEL 15

¹RINGHPOUC rui sa the,

²“Maansei nacle, akumhna drakhaluai lev thing kida nuh nina cho? Drakha chiang lev ngouhbangc thing chiang akumhna kida nina cho?

³Drakha chiang rui ramh kasiamh nuhna cho? Ramh thaengcloumei tuang tiangc launa khang sini sw nuh mak ge.

⁴Hei tei sin sw nuhmei kiu mai sw khang na de. Hei tei katwan kamai, kachung mai rui raw ngam kan e thei ramh kasiamh dat nuh puni di hena cho?

⁵Hei tei mai ntei mak khou sini sinsw nuh mak ki, mai ntei tang pwkhou thu tabui khang gaeng dat thena cho?”

⁶Kumhpui zaeng rui Kauh Liangmei RINGHPOUC rui sa the, “Drakhaluai tei nwmbangc thangc rui laaguangna mai nteimei kumcna, ai rui Jerusalemmei nunc ta laa lana,

⁷dandi tii puni the. Kaniw mai akhat khou rui thu duak the, tiki ntaw kaniw ta mai rui raw mutlou puni the. Ai rui kaniw ta dandi tii pwkhou, ai hei RINGHPOUC e tumei nangniw thay puni.

⁸Kaniw rui akhou lwm nuh makmei swpui zaeng rui, ai rui kaniw kandic tei tazikramv tiguanhlou puni the.” Kauh Liangmei RINGHPOUC rui sa the.