Read Rongmei Naga HOSEA 1 Bible Online

HOSEA 1 - Rongmei Naga bible

HOSEA 1

¹Uzzia, Jotham Ahaz, khatni Hezekia rui Judamei guangc khatni Jehoas nac mpouh Jeroboam rui Isaraelmei guangc sw bammei douc Beeri nac mpouh Hosea khou RINGHPOUC rui tii guangmei lat kiu mi hei e.

²RINGHPOUC rui rey liangmei swna Hosea khou Isaraelmei khang kumna sa guang khwan e, “Nang now kaw tho; nang now tei chwnruangmeipui sw puni the, kumna nang nac nunc ni kakumc rap puni the. Mi thak kahak tei kumcna, amei nunc rui ata ganclouna lwmnuh makmei sw kan the.”

³Kumna Hosea rui Diblaim nacpui kazanc Gomer twna kawmeipui ta kaw the. Kapumc nritna kanac mpouh akhat puanc the.

⁴RINGHPOUC rui Hosea khou sa the, “Kazanc khang ‘Jezreel,’ twna phuak go, kalam thu kapu kapouc Jehu rui Jezreel khou meicdow kanmei paap khang tei Isaraelmei guangc ta ai rui dandi tii nimei ganv asaanh mak khe. Ai rui Jehu kikta ta swmutlou puni the.

⁵Kumna mi ganv khou kiu Jezreel nzaengc khou Isaraelmei tuang rih pumtan guay ta swmutlou puni the.”

⁶Gomer tei kaney nac aluh akhat puanc dat the. RINGHPOUC rui Hosea khou sa the, “Kazanc ‘Nzianlou Makmei,’ twna phuak go. Kalam thu ai rui Isaraelmei ta nzianlou dat lak khe, khatni kaniw paap kuaklou dat lak khe.

⁷Tiki Judamei nunc ta nzianlou puni. RINGHPOUC kaniw Racguangc ai rui kaniw ta kanlou puni, hei tei suc-rih swna twmei thu buy-baeng, sauhpai, takuanh khatni takuanh ricmei rui kanlou khang hamh e.”

⁸Gomer kanacpui ta tei now muloumei tangv, kapumc nrit datna mpouh gaanv khat puanc dat the.

⁹RINGHPOUC rui Hosea khou sa e, “Kazanc khang ‘Amei nunc Hamh The,’ twna phuak go, kalam thu Isaraelmei nunc hei amei nunc hamh the, khatni ai kaniw Racguangc hamh the.”

¹⁰Isaraelmei nunc hei duipui syniang kumc kasing kadath chak ngam lak puni the. Ntaw Ravguangc rui kaniw khou “Nangniw Amei nunc Hamh The,” twna sa e, tiki “Nangniw hei ringhmei Racguangc nac nunc e!” twna kamei rui sa dat nimei ganv guang puni e.

¹¹Judamei khatni Isaraelmei nunc ta zay kariulou dat puni. Kaniw ruc khou kapy sw khang gaanv khat na ta kadah dat puni. Kaniw lungc thau dat puni khatni mi kandic khou hei lungcgay chingkhiuhna bam dat puni. Ngguay, RINGHPOUC tuang tingmik tei daihmei tingmik sw puni e!