Read Rongmei Naga HOSEA 3 Bible Online

HOSEA 3 - Rongmei Naga bible

HOSEA 3

¹RINGHPOUC rui akhou sa the, “Nang tatna karamckhangcpu lev lungcmaanv lungcmow bammeipui nang now khou tei nang ramzian lyanlou dat ro. Amei Isaraelmei rui baihmei rav nunc ta kalumna khatni ravmaengc guay khou katloumei drakhathai ntyan tei tu niina tuna bam sini ai rui kaniw ta nzian bammei kumcna nang rui kata nzian o.”

²Kumna daandi paek 15 lev nap giuhpaek tachat tiina kata ai rui liu the.

³Kamei tei kapumc zuanc dat makna khatni nggaanvmei baihmei ta kachuc dat makna ata nkhwan saengc bam nina e; ai ni kata nkhwan bam puni twna kakhou kadylou the.

⁴Heikumna Isaraelmei nunc tei kaganv tingsaengcna guangh maekna kapy swmei maekna, ravkhaengmei maekna khatni swangtauc lingh makna, ravmaengc maekna khatni tampyrav maekna lungc puni.

⁵Mi tangv tei Isaraelmei nunc tei RINGHPOUC kaniw Racguangc khou, khatni kaniw guangc David kikta akhat khou ngalanc guang dat nimei ganv guang puni. Hei ganv khou kiu kaniw RINGHPOUC ta pingna lungc puni khatni katuang suaihiam laatow puni.