Read Rongmei Naga HOSEA 8 Bible Online

HOSEA 8 - Rongmei Naga bible

HOSEA 8

¹RINGHPOUC rui sa e, “Bianggun amuan tho! Zauczihmei nunc akandih khou hei langdia kumc samc key pw the! Amei nunc hei ai rui kaniw lev swloumei latdyng tei sw bak the khatni alatdyn tei kaniw nuh muna liam the.

²Kaniw rui ata kaniw Racguangc e twna kaw bam sini khatni kaniw hei atuang mei nunc e khatni kaniw ata thay e twna sa bam sini,

³gaymei ta kaniw ganc the. Hei zaeng rui zauczihmei nunc rui kaniw ta nthau puni the.

⁴“Amei nunc rui anyng nuh makna guangh kapah e, kaniw achwn thanv makna kapy nunc kapah the. Kaniw tuang daandi khatni kachaekc laana kaniw ta swkamut kamaimei tuang ravmaengc tei kasiamh the.

⁵Samaria kaidai khou bammei nunc rui kachaekc guaituamchic ta kalum bammei tei ai karaeng e. Kaniw ruc khou alungpuam mai pat the. Kaniw ravmaengc kalummei hei ganh makna asaanh kum bam ni hena cho?

⁶Isaraelmei baanhthaymei nunc rui ravmaengc tei kasiamh the; hei tei rav hamh e! Samaria khou kalum bammei kachaekc guaichic ta tei diangcpuat paruatlou puni the!

⁷Kaniw rui mpwan swna lingcloumei tei kaniw pwanzingh swna tay puni the! Katak maekmei napgui khou rui nang tutow ni tuang hamh e. Nai bam nangc khwan sini kandih baih thangc mei rui tu ngam kan puni.

⁸Isaraelmei hei zaatc baihmei lev nchamc the, khatni bakmei lai kumcna gaeng mak khe.

⁹Nwmbangc kuanniam kumcna kanu tancna, Isaraelmei nunc tei kaniw kaniw nyngraeng sw tat kan the. Asiriamei khou ngangvlou khang kaniw tat kan the, kumna kaniw ta gaeklou khang zaatc baihmei guay khou syan tiina niak the.

¹⁰Tiki ntaw thu ai rui kaniw ta rai pwkhou nkuliang liangcna suc puni the.

¹¹“Isaraelmei nunc rui paapc laa ganh khang rui ravchabamv kasiamh thaulou geiclou, kaniw paapc taanhmei bamv khang geiclou the!

¹²Kaniw ta nchamlou khang kasing thay makmei alatdyn ai rui hylou the, tiki kaniw rui mi guay tei laalou mak khe.

¹³Kaniw rui akhang khaengpuat kat the kumna khaengmei zanc tei tu the. Tiki RINGHPOUC ai rui kaniw ta pian mak khe, kumna ntaw thu ai kaniw paap tei ningtow puni the kumna mi khang tei kaniw ta dandi tii puni the. Ai rui kaniw ta Izip thangc thouc ganclou dat puni the!

¹⁴“Isaraelmei nunc rui guanghkai mpeyna kasiamh thau the. Judamei nunc rui raengh raengloumei kaidai mpeyna kasiamh thau the. Tiki kaniw ta Damcloumeipu ta kaniw amuc the. Hei zaeng rui ai rui mai mpat keyna mi guay tei raw mut puni the.”