Read Rongmei Naga JONA 2 Bible Online

JONA 2 - Rongmei Naga bible

JONA 2

¹Khav bung lungc khou rui Jona rui RINGHPOUC kaRacguangc khou kumna huayney the:

²“He RINGHPOUC, ryanramei ganv khou ai nang ta kaw khwan e, kumna nang rui dawlou khwan e. nkhavlou khang taruaih thangc rui ai kauc khwan e, kumna nang rui dawlou khwan e.

³Nang rui ata duipuisyng thangc phaic keylou khwan e, nthukmei duisyng khou, khou tei dui rui ata gumliam khwan e, kumna nang tuang tanhmei duimuat rui ata liak bin the.

⁴Nang rui ata ganclou the kumna nang tuang nthanmei Ravkai tei how dat pw lak khe twna kakhanh the.

⁵Ai hei dui khou kalimh key the kumna athiu thingc the; duipui rui ata gum bin the, duipui pantamv rui apy kasiath liam the.

⁶Chyngbut phaybi thangc ai key tangc the, karaengv kaikhamv laanclou dat zat makmei kandic thangc key the. Tiki, He RINGHPOUC aRavguangc nang rui ata nthukmei khunc thangc rui ringcna laa patlou dat the.

⁷Abuc tut key pwkhou, he RINGHPOUC ai nang khou huayney khwan e, kumna nang tuang nthanmei bamv khou rui nang rui chulou khwan e.

⁸Nsa ravmaengc nunc ta kalummei kaniw thu kaniw khang naimei zauzian tei laatow kan mak khe.

⁹Tiki ai thu nang ta thuancna suan ni, ai nang khang khaeng ni; ai nang khou nrianhloumei tei kat ni. Guloumei hei RINGHPOUC na rui de!”

¹⁰Khoutei Jona ta dui paengc khou nlicpatlou dat khang RINGHPOUC rui khav khou tei latdanv tii tina nlicpatlou dat the.