Read Rongmei Naga SINGCHAKH 1 Bible Online

SINGCHAKH 1 - Rongmei Naga bible

SINGCHAKH 1

¹Isaraelmei rui Izip mpatloumei tangv kaneimei kwm kaneimei bw tuang reymei tingmik nungc, Sinai tazikramv khou bam khou RINGHPOUC rui katuang pheykai khou Mousi ta kachuc the. RINGHPOUC rui sa the,

²“Aron nangney rui Isaraelmei meising tei puinac puinac khatni mpouhlang mpouhlang swna chak nina the. Nggaanvmei kathuicna zanc hyna

³tingkwm 20 tangc kanmei khatni mi ruc ku kanmei, rih khou tat ngammei guay ta nang khatni Aron rui kakang kakang swna zanh hythaulou nina e.

⁴Puinac kathuicna khou rui kapy swmei akhat akhat rui nangney ta nkhav khang sa o.”

⁵Mi kabangc khou hyloumei mei guay rui nangney ta nkhavlou puni the. Reuben kaikhwang khou rui Shedeur nac mpouh Elizur,

⁶Simeon kaikhwang khou rui Zurishadai nac mpouh Shelumiel,

⁷Juda kaikhwang khou rui Amminadab nac mpouh Nashon,

⁸Isakar kaikhwang khou rui Zuar nac mpouh Nethanel,

⁹Zebulun kaikhwang khou rui Helon nac mpouh Eliab,

¹⁰Josep nac nunc khou rui: Epharaim kaikhwang khou rui Ammihud nac mpouh Elishama, Manase kaikhwang khou rui Pedazur nac mpouh Gamaliel,

¹¹Benjamin kaikhwang khou rui Gideoni nac mpouh Abidan,

¹²Dan kaikhwang khou rui Ammishadai nac mpouh Ahiezer,

¹³Aser kaikhwang khou rui Okaran nac mpouh Pagiel,

¹⁴Gad kaikhwang khou rui Deuel nac mpouh Eliasap,

¹⁵Naphtali kaikhwang khou rui Enan nac mpouh Ahira,

¹⁶mi guay hei meic pang khou rui, kaikhwang kapy nunc Isarael khou rui kapah patloumei nunc the.

¹⁷Mousi lev Aron rui kaniw zanc hylou kanmei nunc ta kiuc nduanghna

¹⁸Isaraelmei kapwm ta kaneimei bw tuang reymei tingmik nungc kaw kaduai the. Kaniw meicsing theilayna tingkwm 20 khatni mi ruc kukanmei kaniw zanc tei kaniw pupouc khou rui guangmei kaikhwang kaikhwang theilayna zanh hylou the.

¹⁹Mousi khou RINGHPOUC latdanv tiimei kumcna kamei rui Sinai chyng khou kaniw zanc tei hylou the.

²⁰Jakob nac mpouh nareimei Reuben kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the.

²¹Reuben tuang kaikhwang khou rui meicsing 46,500 e.

²²Simeon kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

²³Simeon kaikhwang khou rui meicsing hei 59,300 e.

²⁴Gad kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

²⁵Gad kaikhwang khou rui meicsing 45,650 e.

²⁶Juda kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

²⁷Juda kaikhwang khou rui meicsing 74,600 e.

²⁸Isakar tuang kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

²⁹Isakar tuang kaikhwang khou rui meicsing 54,400 e.

³⁰Zebulun kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

³¹Zebulun tuang kaikhwang khou rui meicsing 57,400 e.

³²Josep nac nunc: Ephraim kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

³³Ephraim kaikhwang khou meicsing 40,500 e.

³⁴Manase kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

³⁵Manase kaikhwang khou rui meicsing 32,200 e.

³⁶Benjamin kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

³⁷Benjamin kaikhwang khou rui meicsing 35,400 e.

³⁸Dan kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

³⁹Dan kaikhwang khou rui meicsing 62,700 e.

⁴⁰Aser kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

⁴¹Aser kaikhwang khou rui meicsing 41,400 e.

⁴²Naphtali kaikhwang khou rui tingkwm 20 khatni 20 ruc kukanmei rih bamv khou tat ngammei guay zanc hylou the,

⁴³Naphtali kaikhwang khou rui meicsing 53,400 e.

⁴⁴Mi guay hei Mousi lev Aron rui Isaraelmei kaikhwang 12 tuang meic khyn kapy nunc rui nkhavlouna hyloumei meicsing the.

⁴⁵Tingkwm 20 khatni mi ruc kukanmei rih bamv khou tat ngammei Isaraelmei guay ta kaikhwang kaikhwang theilayna kasing phuclou the.

⁴⁶Meic guayna kariumei sing tei 6,03,550 the.

⁴⁷Levimei tei thu zanh hyloumei khou kazauh mak ge,

⁴⁸kalam thu RINGHPOUC rui Mousi khou sa the,

⁴⁹“Rihmei sw nuhmei meicsing phu pwkhou, Levimei ta thu kazauhlou nuh mak ge.

⁵⁰Levimei nunc ta thu atuang kalummei pheykai khatni mi tuang na guay tei kaniw thouc sw khang tiilou nina e. Pheykai khatni mi tuang na guay tei kaniw rui puanc tat nina e, mi khou tei kaniw taanvtaanc nina e, khatni kaniw tuang zypuikai mi daeng khou tei katingh nkuaylou nina e.

⁵¹Zypui kalaihmei kathuic kaniw rui kalummei pheykai tei lai nina e khatni zypui kathanc khou pheykai tei kaniw rui katingh thaulou dat nina e. Meic baihmei mi pheykai daeng khou guang tuanhpui mei ta tei thu swluai nina e.

⁵²Baihmei Isaraelmei guay tei thu kakai langv langv kailiangh kailiangh swna kaniw tuang chuangcphey bangc khou zypuikai sw nina e.

⁵³Meic baihmei rui atuang kalummei pheykai daeng khou guangna alungpuam tithauna Isaraelmei zaat ta sw kasic mak khang Levimei nunc rui mi pheykai daeng khou tei kaniw tuang zypuikai kasiamh nkuaylouna gaek nina e.”

⁵⁴Kumna RINGHPOUC rui Mousi khou tiimei latdanv guay tei Isaraelmei rui taanc the.