Read Rongmei Naga SINGCHAKH 26 Bible Online

SINGCHAKH 26 - Rongmei Naga bible

SINGCHAKH 26

¹Ravpyan guangmei tangv tei RINGHPOUC rui Mousi lev Amuh Aron nac mpouh Eleazar khou sa the,

²“Isaraelmei tingkwm 20 khatni mi rucmei rihphyan sw biuhmei nggaanvmei guay sing tei mpouhlang mpouhlang swna chak nina e.”

³Mousi lev Amuh Eleazer rui meic nunc ta Moab kandic tuang nzaengc Jordan duithuak daeng khou Jeriko phaengc arwnmei bamv khou tei sa the.

⁴RINGHPOUC rui Mousi khou latdanv tiiloumei kumcna tingkwm 20 khatni 20 mbumei guay ta meicsing phuc o Izip kandic thangc rui tat patmei Isaraelmei guay kiu mi hei e:

⁵Jakob nac mpouh nareimei Reuben the. Reuben kikta Hanok, Hanok tuang puinac guay, Pallu, Pallu tuang puinac guay;

⁶Hezron khatni Karmi tuang puinac guay e.

⁷Mi guay hei Reuben tuang kikta the; kaniw tuang meicsing rui 43,730 e.

⁸Pallu tuang kikta hei Eliab

⁹khatni kanac mpouh Nemuel, Dathan, khatni Abiram hei nunc hei e. (Dathan lev Abiram hei meic nunc rui kapy swmei khang kadahloumei nei e. Kaney rui Mousi lev Aron ta thouh sw makna Kora rui RINGHPOUC ta liam thaumei ganv khou tei kaney ni Kora thei laymei nunc khwan e.

¹⁰Khoutei kandih nkakc patna kaniw ta aluakc kan the, kumna Kora lev kathei laymei meic 250 ta kandih nkakc patna swluai khou tei kaney ni theic kazauh kan the. Meic nunc tei ramh thayna lungh khang kaney rui swlou duc the.

¹¹Kum e tiki Kora nac mpouh nunc ta thu swluai kazauh mak ge.)

¹²Simeon tuang kikta Nemuel, Jamin, Jachin khatni kaniw tuang puinac guay;

¹³Zera, Shaul khatni kaniw tuang puinac guay e.

¹⁴Mi guay hei Simeon kikta the. Kaniw tuang meicsing hei 22,200 e.

¹⁵Gad kikta hei Zephon, Haggi, Shuni khatni kaniw tuang puinac guay;

¹⁶Ozni, Eri khatni kaniw tuang puinac guay;

¹⁷Arod, Areli khatni kaniw tuang puinac guay e.

¹⁸Mi guay hei Gad kikta the. Kaniw tuang meicsing hei 40,500 e.

¹⁹Juda nac nunc: Er khatni Onan; Er khatni Onan hei Kanaan kandic khou theiclou kan the.

²⁰Juda kikta hei Shela, Perez, Zera khatni kaniw tuang puinac guay;

²¹Perez kikta hei; Hezron, Hamul khatni kaniw tuang puinac guay e.

²²Mi guay hei Juda tuang kikta the. Kaniw tuang meicsing hei 76,500 e.

²³Isakar kikta hei Tola, Puva khatni kaniw tuang puinac guay;

²⁴Jashub, Simron khatni kaniw tuang puinac guay e.

²⁵Mi guay hei Isakar kikta the. Kaniw tuang meicsing hei 64,300 e.

²⁶Zebulun kikta hei Sered, Elon, Jahleel khatni kaniw tuang puinac guay e.

²⁷Mi guay hei Zebulun tuang kikta the, meicsing rui 60,500 e.

²⁸Josep tuang kaikhwang hei kanac mpouh gaanv nei Manase lev Ephraim hei e.

²⁹Manase kikta hei Makir khatni katuang puinac guay; Makir hei Gilead pu e kumna Gilead puinac guay;

³⁰Gilead kikta hei Iezer, Helek khatni kaniw tuang puinac guay;

³¹Asriel, Sekem khatni kaniw tuang puinac guay;

³²Shemida, Hepher khatni kaniw tuang puinac guay;

³³Hepher nac mpouh Zelophehad hei nah mpouh puanh mak khwan e tiki aluh nunc nai khwan e, aluh nunc zanc kiu thu: Mahla, Nouha, Hogla, Milka, khatni Tirza e.

³⁴Mi guay hei Manase kikta the. Kaniw tuang meicsing hei 52,700 e.

³⁵Ephraim kikta hei Shuthela, Bekher, Tahan khatni kaniw tuang puinac guay e.

³⁶Shuthela kikta hei Eran khatni katuang puinac guay e.

³⁷Mi guay hei Ephraim kikta the. Kaniw meicsing hei 32,500 e. Mi guay hei Josep kikta khatni puinac guay the.

³⁸Benjamin kikta hei Bela, Ashbel, Ahiram khatni kaniw tuang puinac guay;

³⁹Shephupham, Hupham khatni kaniw tuang puinac guay e.

⁴⁰Bela nac nunc hei Arda khatni Naaman e; Arda khatni Naaman puinac guay e.

⁴¹Mi hei Benjamin tuang kikta the. Kaniw tuang meicsing hei 45,600 e.

⁴²Dan kikta hei Shunam khatni katuang puinac guay;

⁴³Shunam tuang puinac guay hei meicsing 64,400 e.

⁴⁴Aser kikta hei Imna, Isvi, Beria khatni kaniw tuang puinac guay;

⁴⁵Heber, Malkhiel khatni kaniw tuang puinac guay;

⁴⁶Aser nac aluh Sera twna kawmei nai e.

⁴⁷Mi guay hei Aser kikta the. Kaniw tuang meicsing hei 53,400 e.

⁴⁸Naphtali kikta hei Jahzeel, Guni khatni kaniw tuang puinac guay;

⁴⁹Jezer, Sillem khatni kaniw tuang puinac guay e.

⁵⁰Mi guay hei Naphtali kikta the. Kaniw tuang meicsing hei 45,400 e.

⁵¹Isaraelmei nggaanvmei sing kaguayna 6,01,730 e.

⁵²RINGHPOUC rui Mousi khou sa the,

⁵³“Ramv tei Isaraelmei kaikhwang kathuicna khang kaikhwang cham cham theilayna nzanhlou nina e.

⁵⁴Kaikhwang daihmei khang daicna khatni nthyammei khang nthyamna kaniw tuang meicsing theilayna nzanhlou nina e.

⁵⁵Tiki ramv hei kaikhwang theilayna san zaucna nzanh nina e.

⁵⁶Ramv daihmei khatni nthyammei laa nimei hei san theilayna laa khang e.”

⁵⁷Levi kaikhwang khou Gershon, Kohat khatni Merari mi puinac kathumh hei nai e.

⁵⁸Kaniw kikta hei Libni, Hebron, Mahli, Mushi khatni Kora puinac nunc hei ni e. Kora hei Amram pu e.

⁵⁹Izip khou rui puanhmei Levimeiluc Jokebed ta Amram rui kanow khang kaw khwan e. Mi pui tei rui nah mpouh Mousi khatni Aron aluh Miriam ta puanclou khwan e.

⁶⁰Aron hei kanac mpouh gaanv padeih— Nadab, Abihu, Eleazar khatni Ithamar ta puanclou khwan e.

⁶¹Nadab lev Abihu kaney tei nthan makmei mai rui Ravguangc khou khaengna bammei dyng khou rui theic kan the.

⁶²Levimei bw akhat khatni mi rucmei nggaanvmei meicsing 23,000 the. Kaniw ta tei Isaraelmei pang khou rui chak baicna chaklou e, kalam thu kaniw khang ramvdui nzanhlou mak ge.

⁶³Mi puinac guay hei Mousi lev Amuh Eleazar rui Moabmei tuang nzaengc Jeriko phaengc arwnmei bamv Jordan duithuak daeng khou Isaraelmei meicsing chak khou hyloumei puinac guay the.

⁶⁴Mousi lev Amuh Aron rui Sinai tuang tazikramv khou meicsing chak khou tei Isaraelmei nggaanvmei gaanv khat na ta sini chak nsaekclou kan mak khe.

⁶⁵Jephunne nac mpouh Kaleb lev Nun nac mpouh Joshua na hamhna kaniw meic guayna tazikramv khou theiclou puni twna RINGHPOUC rui saloumei kumcna kaniw theiclou ngam kan the.