Read Rongmei Naga SINGCHAKH 29 Bible Online

SINGCHAKH 29 - Rongmei Naga bible

SINGCHAKH 29

¹Chaneimei bw tuang reymei tingmik nungc nangniw kalum khang guang kaduai nina e, mi nungc tei taanvtaanh nuh mak ge. Mi nungc tei bianggun amuan nina e.

²Guaituamchic launa akhat, lauziuchic akhat, khatni tingkwm akhatmei lauziuchic launa chanei RINGHPOUC khang rawna khaeng nina e. Mi guay tei hiaksuimei nina e.

³Olive thauc loumei gehu buay ni mi hei kumcna kat kazauh nina e: guaituamchic akhat khou handwang kathumh, lauziuchic akhat khou handwang kanei,

⁴khatni lauziu akhat khou handwang akhat khat swna, lauziu chaneimei tei khaeng nina e.

⁵Ziuchic akhat ni paapc khang khaeng nina e, kumna meic guayna khang sw nthanmei tuang thouc sw nina e.

⁶Tingmik pum rawna khatni taektw puatkat swna kat bammei ruc khou tei rui mi puatkat hei drakhadui puatkat lev kat haap nina e. Mi puatkat guay tuang rym rui RINGHPOUC ta tipianlou e.

⁷Chaneimei bw tuang reymei tingmik nungc nthanna kalum khang guang kaduai nina e. Mi nungc tei munthiangcna taanvtaanh makna bam nina e.

⁸Guaituamchic launa akhat, lauziuchic akhat, khatni tingkwm akhatmei lauziuchic launa chanei rawna RINGHPOUC khang khaeng nina e. Mi guay tei hiaksuimei nina e.

⁹Olive thauc kanimei gehu buay ni guaituamchic akhat khou handwang kathumh, lauziuchic akhat khou handwang kanei khatni

¹⁰handwang ruh khou akhat akhat lauziunac chanei khang tei kat nina e.

¹¹Ziuchic akhat ni paapc khang khaeng nina e. Meic nunc ta sw nthan khang ziuchic khaengmei khatni tingmik pum nap-bi khatni drakhadui khaeng bammei tuang khou tei mi hei haaploumei tuang e.

¹²Chaneimei bw tuang zaeng 15 nungc kalum khang guang kaduai nina e. Mi ngai hei RINGHPOUC ta chakhwang swna zaeng chanei ngay nina e. Mi lungc khou hei taanvtaanh nuh mak ge.

¹³Reymei tingmik nungc guaituamchic 13, lauziuchic kanei, khatni tingkwm akhatmei lauziuchic launa 14 RINGHPOUC khang taektw puatkat swna kat nina e. Mi guayna tei hiaksuimei nina e.

¹⁴Olive thauc loumei gehu buay ni guaituamchic akhat khou handwang kathumh, lauziuchic akhat khou handwang kanei khatni

¹⁵lauziunac akhat khou handwang akhat khat swna lauziu 14 khang tei kat kazauh nina e.

¹⁶Ziuchic akhat ni paapc khang kat nina e. Mi hei tingmik pum rawna khaengmei, nap-bi katmei khatni drakhadui katmei khou tei haaploumei tuang e.

¹⁷Kaneimei nungc hiaksuimei guaituamchic 12, lauziuchic kanei khatni tingkwm akhatmei lauziuchic 14 kat nina e.

¹⁸Guaituamchic, Lauziuchic khatni lauziuchiclauna khang kat kazauh nimei gehu buay, drakha dui salou rey kanmei kasing theilayna kat nina e.

¹⁹Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

²⁰Zaeng neih thumhmei nungc hiaksuimei guaituamchic 11, lauziuchic kanei, khatni tingkwm akhatmei lauziuchic 14 kat nina e.

²¹Guaituamchic, lauziuchic khatni lauziuchic launa khang kat kazauh nimei gehu buay, drakha dui salou rey kanmei kasing theilayna kat nina e.

²²Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

²³Padeihmei nungc hiaksuimei guaituamchic ruh, lauziuchic kanei khatni tingkwm akhatmei lauziuchic launa 14 kat nina e.

²⁴Guaituamchic, lauziuchic khatni lauziuchic launa khang kat kazauh nimei gehu buay, drakha dui salou rey kanmei kasing theilayna kat nina e.

²⁵Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

²⁶Panguhmei nungc hiaksuimei guaituamchic chakiu, lauziuchic kanei, tingkwm akhat mei lauziuchic launa 14 kat nina e.

²⁷Guaituamchic, lauziuchic khatni lauziuchic launa khang kat kazauh nimei gehu buay, drakha dui salou rey kanmei kasing theilayna kat nina e.

²⁸Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

²⁹Charukmei nungc hiaksuimei guaituamchic tachat, lauziuchic kanei khatni tingkwm akhatmei lauziuchic launa 14 kat nina e.

³⁰Guaituamchic, lauziuchic khatni lauziuchic launa khang kat kazauh nimei gehu buay, drakha dui salou rey kanmei kasing theilayna kat nina e.

³¹Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

³²Chaneimei nungc hiaksuimei guaituamchic chanei, lauziuchic kanei khatni tingkwm akhatmei lauziuchic launa 14 kat nina e.

³³Guaituamchic, lauziuchic khatni lauziuchic launa khang kat kazauh nimei gehu buay, drakha dui salou rey kanmei kasing theilayna kat nina e.

³⁴Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

³⁵Tachatmei nungc kalwnlung taanvtaanh makna kalum khang guang kaduai nina e.

³⁶Hiaksuimei guaituamchic akhat, lauziuchic akhat khatni tingkwm akhat mei lauziuchic launa chanei rawna khaengmei puatkat swna RINGHPOUC khang kat nina e.

³⁷Guaituamchic, lauziuchic khatni lauziuchic launa khang kat kazauh nimei gehu buay, drakha dui salou rey kanmei kasing theilayna kat nina e.

³⁸Ziuchic akhat ni paapc khang khaeng nina e. Mi hei kalwnlung tingmik pum rawna khaeng bammei khatni gehu buay lev drakha dui kat bammei khou tei rui haaploumei e.

³⁹Mi hei nangniw khumngai ganv khou rawna khaengmei, taektw katmei, drakhadui katmei khatni alamvpuatkat katmei khou kat nimei thiak the. Mi hei nangniw tuang latdyng tiguang nthuihmei tuang kat niina katmei puatkat ruc khou tei haaploumei tuang e.

⁴⁰Kumna RINGHPOUC rui tiimei latdanv guay tei Mousi rui Isaraelmei khou dinclou the.