Read Rongmei Naga SINGCHAKH 33 Bible Online

SINGCHAKH 33 - Rongmei Naga bible

SINGCHAKH 33

¹Isaraelmei tei Mousi lev Aron rui kapy swna Izip khou rui kaamc thauna chaengkui khou zypui swloumei bamv guay zanc kiu kabangc khou hyloumei guay hei the.

²Isaraelmei rui zypui swloumei bamv guay zanc tei RINGHPOUC tuang latdanv theilayna Mousi rui hylou the.

³Mi kwm tuang reymei bw tuang zaeng 15 nungc, reymei Kaanpatmei Ngai luaina nthuanh thauna Isaraelmei rui Izip mpatlou the. RINGHPOUC rui gaekloumei paan rui kaniw tei Izipmei hu khou Ramesi mpatlouna tatpat the.

⁴RINGHPOUC rui swluailoumei nareimei guay ta mbeih bammei dyng khou kaniw tatpatmei tuang the. Hei tei rui RINGHPOUC kamei hei Izipmei tuang rav nunc suangc tanc e twmei lyanlou the.

⁵Isaraelmei rui Ramesi mpatloumei tangv Sukkot khou zypui sw the.

⁶Sukkot khou rui kaamcthau datna sypungramv tin Etham khou guang bamlou the.

⁷Etham khou rui kaamcthau datna Pi Hahirot biak, Baal Zephon biak hanc key datna Migdol hu khou zypui sw the.

⁸Kaniw Pi Hahirot mpatlou datna Ntou duipui kaanna sypungramv khou guanglou the. Etham tuang tazikramv khou zaeng neih thumh tatmei tangv kaniw Mara khou zypui sw the.

⁹Etham tuang tazikramv khou rui Elim khou guang the, kumna khou tei kaniw zypui swlou the, kalam thu khou tei duipuakkai 12 khatni tadanv bang 70 nai khwan e.

¹⁰Kaniw Elim mpatlouna Ntou duipui daeng khou zypui sw the.

¹¹Ntou duipui daeng khou rui kaamcthau datna Sin sypungramv khou zypui sw the.

¹²Sin sypungramv khou rui Dophka khou guang the,

¹³Dophka khou rui Alus khou guang dat the.

¹⁴Alus khou rui kaamcthau datna zangv khang dui ariw kan makmei bamv Rephidim khou guang the.

¹⁵Rephidim khou rui kaamcthau datna Sinai tuang tazikramv khou zypui sw the.

¹⁶Sinai tuang tazikramv khou rui kaamcthau datna Kibroth-hattaava khou zypui sw dat the.

¹⁷Kibroth-hattaava khou rui tat thau datna Hazerot khou zypui swlou the.

¹⁸Hazerot khou rui tat thau datna Rithma khou zypui swlou the.

¹⁹Rithma khou rui kaamcthau datna Rimmon-perez khou zypui sw the.

²⁰Rimmon-perez khou rui tat thau datna Libna khou zypui sw the.

²¹Libna khou rui kaamcthau datna Rissa khou zypui swlou the.

²²Rissa khou rui kaamcthau datna Kehelatha khou zypui sw the.

²³Kehelatha khou rui tat thau datna Shepher chyng khou zypui swlou the.

²⁴Shepher chyng khou rui kaamcthau datna Harada khou zypui swlou the.

²⁵Harada khou rui kaamcthau datna Makhelot khou zypui sw the.

²⁶Makhelot khou rui kaamcthau datna Tahat khou zypui swlou the.

²⁷Tahat khou rui tat thau datna Tera khou zypui sw the.

²⁸Tera khou rui kaamcthau datna Mithka khou zypui sw the.

²⁹Mithka khou rui kaamcthau datna Hasmona khou zypui swlou the.

³⁰Hasmona khou rui kaamcthau datna Moserot khou zypui sw the.

³¹Moserot khou rui tat thau datna Bene-jaakan khou zypui swlou the.

³²Bene-jaakan khou rui tat thau datna Hor-haggidgad khou zypui swlou the.

³³Hor-haggidgad khou rui kaamcthau datna Jotbatha khou zypui sw the.

³⁴Jotbatha khou rui kaamcthau datna Abrona khou zypui swlou the.

³⁵Abrona khou rui tat thau datna Eziongeber khou zypui swlou the.

³⁶Eziongeber khou rui kaamcthau datna Zin tuang tazikramv (Kades ta e) khou zypui sw the.

³⁷Zin tuang tazikramv khou rui tat thau datna Edom kandic tin Hor chyng khou zypui swlou khwan e.

³⁸RINGHPOUC tuang latdanv theilayna amuh Aron Hor Chyng khou ku the. Isaraelmei Izip khou rui tatpatmei tangv 40mei kwm panguhmei bw khou reymei nungc Aron mi khou tei theiclou the.

³⁹Aron tei katingkwm 123 tangcna Hor chyng khou tei theiclou the.

⁴⁰Isaraelmei guang the twmei chamv Kanaan tuang dihba thangc bammei guangh Arad rui chu the.

⁴¹Kaniw Hor chyng khou rui kaamcthau datna Zalmona khou zypui sw the.

⁴²Zalmona khou rui kaamcthau datna Punon khou zypui sw the.

⁴³Punon khou rui kaamcthau datna Obot khou zypui sw the.

⁴⁴Obot khou rui tat thau datna Iye-abarim, Moab tuang ramv khou zypui sw the.

⁴⁵Iyim khou rui kaamcthau datna Dibon-gad khou zypui sw the.

⁴⁶Dibon-gad khou rui kaamcthau datna Almon-diblathaim khou zypui swlou the.

⁴⁷Almon-diblathaim khou rui kaamcthau datna Nebo hu khou naimei Abarim chyng khou zypui sw the.

⁴⁸Abarim chyng khou rui kaamcthau datna Moab tuang nzaengc Jeriko phaengc arwnmei Jordan duithuak daeng khou zypui sw the.

⁴⁹Kaniw rui Jordan duithuak Beth-jeshimot khou rui Abel-shittim Moab tuang nzaengc khou zypui swlou khwan e.

⁵⁰Moab tuang nzaengc Jordan duithuak daeng khou bammei ganv khou tei RINGHPOUC rui Mousi khou sa the:

⁵¹Isaraelmei nunc khou kumna sa o, “Jordan duithuak kaanpatna Kanaan kandic khou gut pwkhou,

⁵²mi kandic khou lungc bammei guay ta tei nangniw rui alay ganc nina e. Kaniw tuang ntanh tuang khatni ntauh tuang ravmaengc guay swmaan nina e. Kaniw tuang kalummei bamv guayna swmaan nina e.

⁵³Mi kandic khou tei nangniw lungc nina the. Kalam thu hei tei ai rui nangniw khang tiiloumei tuang the.

⁵⁴Mi ramv tei san zaucna kaikhwang kaikhwang khatni puinac puinac khang swna nzanhlou nina e. Puinac daihmei khang ramv daic, nthyammei khang nthyam twna kacham kacham nzanhlou nina e.

⁵⁵Mi kandic khou tei lungc bammei nunc ta tei nangniw rui alay ganc lam mak ge thei kaniw tei nangniw mik khou nrouc nai kumc khatni nangniw daeng khou sauhraengh nai kumc bam puni the. Kaniw rui nangniw ta adow bam puni the.

⁵⁶Nangniw rui kaniw ta alay ganh mak ge thei ai rui kaniw ta swmaan nimei phaan nangniw ta swmaan lyn puni.”