Read Rongmei Naga SINGCHAKH 34 Bible Online

SINGCHAKH 34 - Rongmei Naga bible

SINGCHAKH 34

¹RINGHPOUC rui Mousi khou sa the:

²Latdanv tiina Isaraelmei nunc khou salou o: Ai rui nangniw khang tiiloumei Kanaan kandic khou nangniw gut pwkhou nangniw tuang kandic ramvrei kumna nai puni.

³Dihba ramvrei hei Zin tuang tazikramv khou rui Edom tuang ramvrei lev ramvrei sw puni the. Hei tei neihpat biak thangc Theihmei zeiclat tin key nganvmei khou tei rui suic thau puni.

⁴Mi khou tei rui dihba biak thangc Akrabbim chaeng biak keyna Kades Barnea khou Zin nganv key tangc puni. Mi tangv tei dihpy neihkey biak karihna Hazar Addar khou nganghlouna Azmon khou guanglou puni.

⁵Khoutei rui Izip tuang Wadi, mi khou tei rui duipui khou nganvlou puni.

⁶“Neihkey biak ramvrei hei thu Miditerranean duipui khatni kabaek saanvsaengh hei puni.

⁷“Dihpy biak ramvrei hei Miditerranean khou rui Hor Chyng khou suiclou puni.

⁸Mi khou tei rui Lebo-hamat; mi khou tei rui Zedat

⁹khatni Ziphron khou suiclouna Hazar Enan khou nganvlou puni.

¹⁰“Neihpat biak ramvrei hei Hazar Enan khou rui thauna Shepham khou keylou puni.

¹¹Mi tangv tei dihba biak keyna Ain tuang neihpat khou Harbel khou keylou puni. Khoutei rui Galili zeiclat tuang neihpat biak tin khou keylou puni.

¹²Mi tangv Jordan duithuak suic keyna Theihmei duipui khou keylou puni. Mi hei nangniw tuang kandic kwn padeih tuang ramvrei the.”

¹³Kumna Mousi rui Isaraelmei khou sa the, “Mi hei RINGHPOUC rui Isaraelmei kaikhwang chakiuna kapaek khang tiiloumei, san zaucna nzanh nimei ramv kiu the.

¹⁴Reuben, Gad khatni Manase kapaek akhat tuang kaikhwang guay khang thu mpouhlang mpouhlang swna nzanhloumei tei kaniw laa kan the.

¹⁵Hei tei Jordan paengc thangc Jeriko khou rui phaengc adamei ramv tei the.”

¹⁶RINGHPOUC rui Mousi khou sa the,

¹⁷“Amuh Eleazar khatni Nun nac mpouh Joshua rui ramv nzanhmei khou tei kaney thouc sw nimei tuang e.

¹⁸Kaney ta nkhavlou khang kaikhwang kathuic khou rui kapy swmei gaanv khat gaanv khat kadah nina e.”

¹⁹Mi hei kapy swmei nggaanvmei nunc zanc kiu the: Juda kaikhwang khou rui Jephunne nac mpouh Kaleb,

²⁰Simeon kaikhwang khou rui Ammihud nac mpouh Shemuel,

²¹Benjamin kaikhwang khou rui Kislon nac mpouh Elidad,

²²Dan kaikhwang khou rui Jokli nac mpouh Bukki,

²³Josep nac Manase kaikhwang khou rui Ephod nac mpouh Hanniel,

²⁴Ephraim kaikhwang khou rui Shiphtan nac mpouh Kemuel,

²⁵Zebulun kaikhwang khou rui Parnak nac mpouh Elizaphan,

²⁶Isakar kaikhwang khou rui Azzan nac mpouh Paltiel,

²⁷Aser kaikhwang khou rui Shelomi nac mpouh Ahihud

²⁸khatni Naphtali kaikhwang khou rui Ammihud nac mpouh Pedahel hei guay the.

²⁹Mi nunc hei Kanaanmei ramv tei Isaraelmei khang nzanh khou kaniw thouc swna nzanh nimei nunc khang RINGHPOUC rui kadahloumei nunc the.